Shaphang ka Jingkynmaw Ïing jong ka Dohkha Salmon bad Ki Paro & Ka Ïing Bneng jong U Khun Bynriew Kumba ka dohkha salmon bad ki paro ki lah ban leit phai sha ka ïing jong ki kam pher katno ki leit jngai, U Blei u la ong, “Ngan buh ia ka hukum jong nga ha ki dohnud jong ki,” bad u la buh ia ka hukum jong ka jutang bathymmai hapoh ki dohnud jong u khun bynriew khnang ba kin lah ban leit phai sha ka ïing bneng babymjukut jong ki. Ki Dkhot jong ka Balang U Blei ki Sumar ia ka Hukum U Blei, ka sngi Sabbaton bad Ka Niam ka Jinglait jong ka Jutang Bathymmai 2,000 snem mynshuwa, U Jisu u la bet ki symbai babha [ka sngi Sabbaton bad Ka Niam ka Jinglait] ban ai ia u khun bynriew ka hima ki bneng. Hynrei, hadien kata ki symbai babha ki la jah noh bad la bujli noh da ki ñiut, kita ki long, ki hukum briew ba la bet da u nongshun, u Soitan. Hapdeng kane, ki khun U Blei kim ju klet ia ka jutang bathymmai ba la mutdak ha ki mynsiem jong ki hynrei ki sngewthuh ia ka da ka dohnud jong ki, bad ki wan sha U Khrist Ahnsahnghong bad Ka Blei Ka Kmie, kiba ialam ia ki sha ka hima ki bneng, ka ïing jong ki mynsiem jong ki. Ha khmih, ki sngi kin poi, ong U Trai, ba ngan thaw ia ka jutang bathymmai bad ka ïing Israel bad ka ïing Judah ruh . . . Hynrei kane ka long ka jutang ba ngan thaw bad ka ïing Israel hadien kita ki sngi, ong U Trai; ngan buh ia ka hukum jong nga ha ki bynta kiba shapoh jong ki, bad ngan thoh ia ka ha ka dohnud jong ki; bad ngan long U Blei jong ki, bad ki kin long ki briew jong nga.” U Jeremaiah 31:31–33

On October 29, 2023, 200 Church of God members united from across LA, Ventura, and Santa Barbara County in California to participate in the 7,522nd Worldwide Cleanup Campaign. Their destination was Torrance Park, where they showcased the incredible impact of teamwork and collaboration. Joining forces with them were Torrance Mayor George Chen, Torrance City Council Members Asam Sheikh and Sharon Kalani, alongside representatives from the offices of California Legislative Assembly member Mike Gipson and California State Senator Ben Allen. Volunteers enthusiastically gathered nearly 25,000 gallons of trash, picked up litter, removed weeds and collected foliage.

Kaei ka Balang Bamynshuwa bad ka Balang U Blei ka Iasyriem ha ka Phang jong ka Jingngeit? Kumba ki riewkhuid jong ka Balang bamynshuwa ki don ia ka jingkyrmen jong ka jingmihpat lyngba ka jingmihpat jong U Jisu Khrist bad kim sheptieng ia ki jingeh, ki jingpynshitom bein, lane ki jinglong baeh jong kane ka pyrthei, kumta ruh ki riewkhuid jong ka Balang U Blei. Kim ju im na ka bynta kata kaba iohi da ki khmat lane ki khyllipmat bashipor, hynrei pynban, ki im da ka jingkyrmen jong ka jingmihpat ba kin sa im ha ki met bakynja mynsiem ha ka pyrthei bakynja mynsiem. Hadien ka Jingmihpat, U Jisu u la Palat ia ka Por bad ka Jaka ha ki Daimenshon Balai bad Basan Hadien ba U Jisu u la mihpat, U la jah noh kynsan katba u dang iakren bad ki synran jong U, U la mihpaw kynsan ha ka kamra ba la khang, bad u la pyni ia ka jingkiew jong U ha khmat jong ki. Kane ka mut ba ngi ruh, ngin long kum U Jisu ha ka step jong ka jingmihpat. Don ruh ki met kiba kynja bneng, bad ki met kiba kynja khyndew: hynrei ka burom jong kita kiba kynja bneng ka long kawei, bad ka jong kita kiba kynja khyndew ka long kawei pat . . . Kumba don ka met bakynja doh, don ruh ka met bakynja mynsiem. 1 Sha Ki Nong Korinth 15:40–44

Ha ka Jingkhawai Niam Aiu U Blei u Pynjot ia ka Bor jong ka Jingiap bad U Pynshisha ka Jingdon jong ka Hima jong ka Jingim Bymjukut? Kumba U Blei u la pyntyllep ia ki paitiapom ka Ijipt ha ka Duriaw Basaw, U la pynjot ia ka bor jong ka pop bad u la ai ia u khun bynriew ka jingkyrmen jong ka jingmihpat ha Ka Sngi ka Jingmihpat. Ka dei ka sngi haba U Jisu da lade hi u la pyni ba ngin sa kylla na ka met bakynja doh sha ka met bakynja mynsiem. Balei Ka Sngi ki Soh Nyngkong ha ka Testament Barim bad ka Sngi Haba U Jisu u la Mihpat ka Hap ha ka Sngi Robibar? Ka sngi haba ki paitiapom ka Ijipt ki la shah tyllep ha ka Duriaw Basaw bad ki khun Israel ki la mih na ka Duriaw Basaw ka dei ka sngi Robibar. Kumta, ban kynmaw ia kane ka sngi, la seng ia Ka Sngi ki Soh Nyngkong ha ka Testament Barim bad la jiw rakhe ia ka ha ka sngi Robibar. Katkum ka jingiathuhlypa, U Jisu Khrist u la long u soh nyngkong na kita kiba la iohthiah noh bad u la mihpat na kiba iap ha ka sngi Robibar. Namar kata ka jinglong traishnong jong ngi ka long ha bneng; nangta ruh ngi ia ap khmihlynti ia U Nongpynim, U Jisu Khrist uba U Trai: uban thaw thymmai ia ka met ka jinglong rangli jong ngi, ia kaban pynlong ia ka shidur bad ka met ka burom jong u, katba kum kata ka jingpyntrei da kaba u lah ruh wat ban pyndem ia kiei kiei baroh ha lade. Sha Ki Philipi 3:20–21

Ka Jingkongsan jong ka Seion Kaba La Seng da U Dabid Bakynja Mynsiem, U Jisu Uba Wan Nyngkong bad U Khrist Ahnsanghong Uba Wan Arsien Kumba U Blei u la ai ka ïinglieng kum ka jaka rieh ha ka por jong U Noah shuwa ban pynjot ia ka pyrthei da ka um, U Blei, uba la wan kum U Dabid bakynja mynsiem, u la seng ia ka Seion bakynja mynsiem ha kaba ki jingkhawai niam U Blei la rakhe bad u la hukum ia ki briew ban phetiap sha Seion shuwa ba un bishar ia ka pyrthei da ka ding ha ka sngi bakhadduh. Haei ka Seion, Kaba la Dap Da ka Jingsawa ka Jingkmen bad ka Jingsngewbha Da ka Jingkyrmen ia ka Bneng? Hadien ka jingkiew noh U Jisu, u ksuid u la pyrshang ban pynjot ia ka Seion da kaba pynduh ia ki jingkhawai niam U Blei, hynrei kumba la iathuhlypa, U Khrist Ahnsahnghong u la pynioh pat ia ki hynñiew tylli ki jingkhawai niam ha ki laisien bad ka sngi Sabbaton. Kumta, ka Balang U Blei ka jiw dap da ka jingsawa ka jingkmen bad ka jingsngewbha da ka jingkyrmen ia ka jingpynim. Namar U Trai u la pyntngen ia ka Seion: u la pyntngen ia ki jaka kynjah jong ka baroh bad u la pynlong ia ka ri khlaw jong ka kum ka Eden, bad ka ri kynjah jong ka kum ka kper U Trai; yn shem hangta ka jingkmen bad ka jingsngewbha, ka jingainguh, bad ka jingsawa ka jingrwai. U Isaiah 51:3

Ka Niam ka Jinglait, ka Jingshisha jong ka Jingim Bymjukut Kaba Tang ka Longïing U Blei ka Lah Ban Rakhe Ka Baibl ka phla ba ki angel bahabneng ki la shah shop sha kane ka pyrthei namar ki la shah pynshoi da u Soitan bad ki la leh pop ha bneng, kane ka dei ka khana jong u bynriew. U Khrist Ahnsahnghong bad Ka Blei Ka Kmie ki la wan sha kane ka pyrthei bad Ki la seng ia Ka Niam ka Jinglait jong ka jutang bathymmai ban ai ka jingmap ki pop ia u khun bynriew ba kin ioh ban leit phai sha ka ïing bakynja mynsiem jong ki, ka hima ki bneng babymjukut. Balei U Blei u Ong Ba Kiei Kiei jong ka Pyrthei ki Long ka Dur bad ka Syrngiew Kita Kiei Kiei Kiba ha Bneng? Kumba ka longïing ka pyrthei ka iadei da ka snam, ka longïing bahabneng ruh ka iadei da ka snam. Ban long ki dkhot jong ka longïing bahabneng kum ki khun jong U Blei U Kpa bad Ka Blei Ka Kmie, u khun bynriew u dei ban bam ia u kpu ka Jinglait bad dih ka wain ka Jinglait kaba iasyllok ha ka doh bad ka snam U Blei. Mynta, ki dkhot jong ka Balang U Blei ha ki 175 tylli ki ri ki rakhe ia Ka Niam ka Jinglait da kawei ka jingmut. kiba shakri niam ia ka dur bad ka syrngiew kita kiei kiei bakynja bneng. Sha Ki Hebru 8:5 Ynda kumta la jia kata ka sngi u kpu bakhlem thiat, ha kaba la dei ban kñia ia ka niam ka jinglait . . . U la shim ruh ia u kpu, bad haba u la lah nguh de, u la kdiah ia u, bad u la ai ha ki u da ong, Une u long ka met jong nga . . . Kumjuh ruh ia kata ka khuri, hadien kaba bamja miet u da ong, Kane ka khuri ka long kata ka jutang kaba thymmai da ka snam jong nga, ia kaba yn sa theh noh na ka bynta jong phi. Loukas 22:7–20 Kumta te phim long shuh ki nongwei bad ki sohshnong, hynrei ki para trai shnong bad ki riewkhuid, bad kiba iadei na ka ïing U Blei . . . Sha Ki Nong Ephesos 2:19

Kaei ka Bor Thymmai Bakynja Mynsiem Kaba U Blei u la Ai ia Ngi khnangba Ngin Kwah ia ka Bymjukut? Ka Jingkhawai Niam U Kpu Bakhlem Thiat ka dei ka jingkhawai niam haba U Jisu u la bah ia ka diengphna ka jingshitom na ka bynta ki nongpop. U Blei u hikai ia ngi ba haba u khun bynriew baroh, ki nongpop bahabneng, ki bud ia ka rukom jong U Khrist, ki bah ia la ka diengphna, bad ki bud ia ka lynti U Khrist, ki lah ban don ka jingkwah hir hir ia ka bymjukut lyngba ki jingshitom bad ki jingeh. Ki Dkhot ki Bud ia ka Lynti jong U Khrist Ahnsahnghong bad Ka Blei Ka Kmie Kiba Ai ka Rukom jong ka Lynti jong ka Diengphna Ki riewkhuid jong ka Balang bamynshuwa ki la sngewthuh ba ka don ka jingim bymjukut hadien ka jingim ha kane ka pyrthei bad ki la pdiang sngewbha ia ki jingshitom, ki jingeh, bad ki jingpynshitom baroh da kaba kwah hir hir ia ka bymjukut. Kumta ruh, ki dkhot jong ka Balang U Blei ki jiw ainguh ha kaei kaei baroh kaba ki kynduh ha kane ka pyrthei. Nga la iohi ia ka jingshitom ia kaba U Blei u la ai ha ki khun bynriew, ban dup mlien da kata. U la pynlong itynnad ia kiei kiei baroh ha la ka aiom: ruh u la buh ia ka pyrthei [bymjukut, NIV] ha ka dohnud jong ki . . . U Eklesiastis 3:10–11 Namar kata ngim man thait shuh . . . Namar ka jingjynjar basting jong ngi kaba tang shibit, ka nang pynlong na ka bynta jong ngi ka jingkhia ka burom kaba palat eh bad ka bymjukut. 2 Sha Ki Nong Korinth 4:16–17

Ki Jingkhawai Niam jong ka Testament Barim ka Shakri kum ka Ïit-khmih bad ka Syrngiew jong Kata Kaban Jia ha ka Testament Bathymmai Ka Jingkhawai Niam U Kpu Bakhlem Thiat ha ka Testament Barim ka kynmaw ia ki jingeh kaba ki khun Israel ka la mad 3,500 snem mynshuwa; hadien ba ki la rakhe ia Ka Niam ka Jinglait, ki la mih noh na Ijipt ha ka sngi kaba bud bad ki la shah ki jingeh haduh ba kin da iaid lyngba ka Duriaw Basaw. Kane ka la shakri kum ka syrngiew jong ki jingpang, bad ka jingaiti kaba U Jisu Khrist un shah; hadien ba U la rakhe ia Ka Niam ka Jinglait, U la shah shitom bad u la shah sahnarphna ha ka sngi kaba bud. Ki Dkhot jong ka Balang U Blei ki Bah ia la ka Diengphna ha ka Jingmut jong Ka Jingkhawai Niam U Kpu Bakhlem Thiat Da kaba shah len bad shah die noh da ki synran kiba la ong, “Ngi ngin bud ia Me wat haduh ka jingiap,” da kaba shah pyrthuh beiñ bad shah leh beiñ da shibun ki nongshun, bad shah sahnarphna halor ka diengphna ha kaba khatduh, kane ka dei ka jingshitom jong U Khrist Ahnsahnghong, U Nongpynim ha ka ïa jong U Mynsiem Bakhuid, kaba U la shah 2,000 snem mynshuwa. Mynta ka dei ka por haba ngi donkam ia ka jingngeit kaba sngewthuh ia ka jingieit jong U bad bah ia la ka diengphna. Ynda kumta U Jisu u la ong ha ki synran jong u: Lada uno uno ruh u mon ban wan nadien jong nga, ai ba un len ia lade, bad un rah ia la ka diengphna, bad un wan bud ia nga. Naba uno uno ruh uba mon ban pynim ia la ka mynsiem un duh noh ia ka, bad uno uno uban duh noh ia la ka mynsiem na ka bynta jong nga, un shem ia ka. Mathaios 16:24–25