🎧Playlist 00:00 I Repent of My Sin 05:41 I Did Not Realize Before 11:15 Take Me, O My Father, Take Me 14:44 Though I Longed to Call to You 17:19 How Great Is the Love of Father!

00:00 O Youth of Zion, Watchmen of Truth 02:59 The Holy Spirit's Amazing and Wonderful Works 05:40 The Least Who Follow the Prophecies 08:09 Worship True God With Joyful Hearts 11:11 We Too Will Follow Mother 13:04 Heaven’s Kingdom Is Near 16:41 The Gospel of Glory

ក្រៅពីបុណ្យរំលងសញ្ញាថ្មី ដែលព្រះបានតាំងឡើង តាមរយៈការបូជារបស់ទ្រង់នៅលើឈើឆ្កាង គឺគ្មានផ្លូវណាផ្សេងទៀត ដើម្បីសង្គ្រោះមនុស្សជាតិពីសេចក្ដីវេទនា ឬដឹកនាំមនុស្សពីសេចក្ដីស្លាប់ ទៅកាន់ជីវិតអស់កល្ប បានឡើយ។ នៅជំនាន់នេះ អស់អ្នកដែលឱ្យ​អាហារ​គេ​បរិភោគតាម​ត្រូវ​ពេល និងសន្សំព្រះពរទុកនៅស្ថានសួគ៌ គឺជាអស់អ្នកដែលផ្សព្វផ្សាយថា "ចូរយើងរក្សាបុណ្យរំលងនៅស៊ីយ៉ូន ជាកន្លែងដែលព្រះគង់នៅជាមួយយើង"។

ឱមនុស្សលោកដ៏គួរឲ្យអាណិតអើយ! ដោយមិនដឹងថាខ្លួនជាពួកព្រះបុត្រាដ៏ប្រសើររបស់ព្រះ នោះគេជាប់ជាបាវបម្រើរបស់សាតាំង ហើយចុងបំផុត ក៏ត្រូវចូលទៅក្នុងការបំផ្លាញដ៏នៅអស់កល្ប។ ពិតជាគួរឲ្យអាណិតម៉្លេះ! បើសិនជាមនុស្សលោកបានរឭកស្រុក ដែលគេទើបនឹងចេញមកនោះ នោះគេនឹងមានឱកាសត្រឡប់ទៅវិញបាន។ ប៉ុន្តែដោយព្រោះគេមិនស្គាល់ស្រុកកំណើតរបស់ខ្លួន នោះគេក៏ជួបនឹងទីបញ្ចប់ជាជង្ហុកនៃសេចក្តីស្លាប់។ អញ្ចឹង ហេតុអ្វីបានជាមនុស្សទាំងអស់មិនស្គាល់ស្រុកដែលគេបានចេញមកបែបនេះ?

បើត្រូវតែរក្សាក្រឹត្យវិន័យទាំង៩ផ្សេងទៀត នោះក៏ត្រូវរក្សាថ្ងៃឈប់សម្រាក​ផងដែរ។ ព្រះវិហារជាច្រើននៅលើពិភពលោក ទទូចថា “ថ្ងៃឈប់សម្រាកត្រូវបានលុបបំបាត់ចោលហើយ ពីព្រោះវាជាក្រឹត្យវិន័យសញ្ញាចាស់”។ ប៉ុន្តែ បើយើងគឺជារាស្ត្ររបស់ព្រះពិតមែន នោះយើងត្រូវតែរក្សាក្រឹត្យវិន័យទាំងនេះ ដូច្នេះ ចាប់ពីក្រឹត្យវិន័យទី១ ដល់ទី១០ គ្មានក្រឹត្យវិន័យណាមួយ ដែលយើងអាចព្រងើយកន្តើយបាននោះឡើយ ហើយយើងក៏មិនអាចនិយាយថា “ក្នុងចំណោមក្រឹត្យទាំង១០ប្រការ យើងត្រូវតែរក្សាក្រឹត្យវិន័យទាំង៩ផ្សេងទៀត ប៉ុន្តែ មិនចាំបាច់រក្សាបញ្ញត្តិទី៤ទេ” បានដែរ។ សូម្បីតែព្រះវិហារដែលមិនរក្សាថ្ងៃឈប់សម្រាក ក៏បានពន្យល់យ៉ាងលម្អិតអំពីសារៈសំខាន់នៃក្រឹត្យទាំង១០ប្រការផងដែរ។ ដូច្នេះ ការទទូចថា “ថ្ងៃឈប់សម្រាក គឺជាក្រឹត្យវិន័យសញ្ញាចាស់ ហើយត្រូវបានលុបបំបាត់ចោល ដូច្នេះមិនចាំបាច់រក្សាទេ” គឺជាការទទូចក្លែងក្លាយ ហើយសូម្បីតែសព្វថ្ងៃនេះ ក៏ត្រូវតែរក្សាថ្ងៃឈប់សម្រាកឱ្យបរិសុទ្ធ តាមក្រឹត្យវិន័យទី៤ផងដែរ។

[នៅជំនាន់នេះ ព្រះវិញ្ញាណ និងប្រពន្ធថ្មោងថ្មី ប្រទានទឹកជីវិត ដែលព្រះយេស៊ូវធ្លាប់បានប្រទាន នៅក្នុងបុណ្យបារាំ] ដោយសារព្រះមានបន្ទូលថា អស់អ្នកដែលជឿលើទ្រង់ នឹងទទួលព្រះវិញ្ញាណបរិសុទ្ធ ដូច្នេះ អ្នកដែលចង់ទទួលព្រះវិញ្ញាណបរិសុទ្ធ ត្រូវជឿលើព្រះយេហូវ៉ាក្នុងជំនាន់ព្រះវរបិតា ព្រះយេស៊ូវក្នុងជំនាន់ព្រះរាជបុត្រា ហើយជឿព្រះគ្រីស្ទអាន់សាំងហុង និងព្រះមាតា ដែលបានយាងមកជាព្រះវិញ្ញាណ និងប្រពន្ធថ្មោងថ្មី ក្នុងជំនាន់ព្រះវិញ្ញាណបរិសុទ្ធ ព្រមទាំងធ្វើតាមសេចក្ដីបង្រៀនរបស់ទ្រង់ផងដែរ។ [នៅគ្រប់ជំនាន់ អស់អ្នកដែលស្តាប់បង្គាប់តាមព្រះបន្ទូលរបស់ព្រះ គឺជាអ្នកដែលមានសេចក្ដីជំនឿពិតប្រាកដ] អស់អ្នកដែលស្តាប់បង្គាប់តាមព្រះបន្ទូលរបស់ព្រះ គឺជាអ្នកដែលពិតជាជឿលើព្រះមែន។ ដូចជា ណូអេ អ័ប្រាហាំ ម៉ូសេ យ៉ូស្វេ និងកាលែប បានទទួលព្រះពរ ដោយសារស្តាប់បង្គាប់តាមព្រះបន្ទូលរបស់ព្រះ នោះសព្វថ្ងៃនេះ អស់អ្នកដែលមានសេចក្ដីជំនឿ ហើយរក្សាថ្ងៃឈប់សម្រាក និងបុណ្យរំលង តាមព្រះបន្ទូលរបស់ព្រះ ក៏នឹងទទួលព្រះពរដែរ។ អ្នកណាដែលកើតអំពីព្រះ នោះក៏ស្តាប់តាមព្រះបន្ទូលនៃព្រះដែរ ឯអ្នករាល់គ្នា មិនបានកើតមកពីព្រះទេ បានជាមិនស្តាប់តាមដូច្នេះ យ៉ូហាន ៨:៤៧ ទ្រង់នឹងតាំងឯងសំរាប់ជារាស្ត្របរិសុទ្ធដល់ទ្រង់ ដូចជាទ្រង់បានស្បថនឹងឯងហើយ គឺបើឯងនឹងកាន់តាមអស់ទាំងបញ្ញត្តរបស់ព្រះយេហូវ៉ាជាព្រះនៃឯង ព្រមទាំងដើរតាមផ្លូវទ្រង់ផង នោះគ្រប់ទាំងសាសន៍នៅផែនដីនឹងឃើញថា ឯងជាអ្នកមានឈ្មោះតាមព្រះនាមព្រះយេហូវ៉ា ហើយគេនឹងកោតខ្លាចដល់ឯង ចោទិយកថា ២៨:៩-១០

[ព្រះនៅតែប្រទានព្រះវិញ្ញាណបរិសុទ្ធ នៅរាល់កន្លែងណាដែលរក្សាបុណ្យបារាំ] អ្នកដែលជឿលើព្រះ ត្រូវតែរក្សាបុណ្យបារាំតាមសេចក្ដីបង្រៀនរបស់ព្រះ។ នោះក៏ព្រោះតែព្រះបានមានបន្ទូលតាមរយៈហោរាសាការីថា ទ្រង់នឹងប្រទានព្រះវិញ្ញាណបរិសុទ្ធដល់អ្នកដែលរក្សាបុណ្យបារាំ ហើយនឹងដាក់ទោសដល់អ្នកដែលមិនរក្សាបុណ្យបារាំ។ [ពួកជំនុំនៃព្រះរក្សាបុណ្យបារាំ ហើយនៅជាមួយព្រះវិញ្ញាណ និងប្រពន្ធថ្មោងថ្មី ដែលប្រទានទឹកជីវិត] នៅការយាងមកលើកទី១ ព្រះយេស៊ូវបានប្រទានព្រះវិញ្ញាណបរិសុទ្ធ ហើយនៅការយាងមកលើកទី២ ព្រះវិញ្ញាណ និងប្រពន្ធថ្មោងថ្មី ប្រទានព្រះវិញ្ញាណបរិសុទ្ធ នៅបុណ្យបារាំ។ ទំនាយក្នុងព្រះគម្ពីរដែលថា "ព្រះវិញ្ញាណ និងប្រពន្ធថ្មោងថ្មីប្រទានទឹកជីវិត" "ទឹករស់នឹងហូរចេញពីក្រុងយេរូសាឡិម" និងទំនាយដែលថា "ទន្លេទឹកជីវិតហូរចេញពីបល្ល័ង្កនៃព្រះ" សុទ្ធតែជាទំនាយដែលថា ព្រះមាតាស្ថានសួគ៌យេរូសាឡិមនឹងប្រទានព្រះវិញ្ញាណបរិសុទ្ធ និងសេចក្ដីបង្រៀនដែលនាំទៅដល់ជីវិត។ រីឯបុណ្យរបស់សាសន៍យូដា ដែលហៅថាបុណ្យបារាំនោះជិតដល់ហើយ … នៅថ្ងៃក្រោយបង្អស់ ជាថ្ងៃបុណ្យយ៉ាងសំខាន់ នោះព្រះយេស៊ូវទ្រង់ឈរបន្លឺឧទានប្រកាសឡើងថា … អ្នកណាដែលជឿដល់ខ្ញុំ នោះនឹងមានទន្លេទឹករស់ហូរចេញពីពោះខ្លួនមក ដូចជាគម្ពីរសំដែងហើយ តែសេចក្តីនេះ គឺទ្រង់មានព្រះបន្ទូលពីព្រះវិញ្ញាណ ដែលអស់អ្នកជឿដល់ទ្រង់នឹងត្រូវទទួល … យ៉ូហាន ៧:២-៣៩ ព្រះវិញ្ញាណ និងប្រពន្ធថ្មោងថ្មីពោលថា អញ្ជើញមក ហើយអ្នកណាដែលឮ ក៏ថា អញ្ជើញមកដែរ អ្នកណាដែលស្រេក នោះមានតែមក ហើយអ្នកណាដែលចង់បាន មានតែយកទឹកជីវិតនោះចុះ ឥតចេញថ្លៃទេ វិវរណៈ ២២:១៧

[ផែនដីនេះ ជាទីក្រុងពំនាក់ខាងវិញ្ញាណ សម្រាប់ពួកទេវតា ដែលបានប្រព្រឹត្តអំពើបាបនៅស្ថានសួគ៌] មនុស្សគ្រប់គ្នាដែលកើតមកផែនដីនេះ ដូចជា សាឡូម៉ូន និងយ៉ូប សុទ្ធតែធ្លាប់ជាទេវតាដែលរស់នៅក្នុងនគរស្ថានសួគ៌។ យើងត្រូវបានបង្រៀនថា ជីវិតនៅផែនដីនេះ គឺពេញដោយការនឿយហត់ និងទុក្ខព្រួយ ពីព្រោះទីនេះ គឺជាកន្លែង ដែលទេវតាធ្លាប់រស់នៅក្នុងសិរីល្អជាមួយព្រះនៅស្ថានសួគ៌ ត្រូវបានបណ្ដេញមក បន្ទាប់ពីប្រព្រឹត្តអំពើបាបដ៏ធំ ដែលនាំទៅកាន់សេចក្តីស្លាប់។ [ហេតុអ្វីព្រះអាន់សាំងហុង និងព្រះមាតា ស្តារបុណ្យរំលងសញ្ញាថ្មីឡើងវិញ?] សព្វថ្ងៃនេះ ព្រះដែលបានស្តារបុណ្យរំលងសញ្ញាថ្មីដែលបាត់បង់ឡើងវិញ គឺជាព្រះរបស់យើង។ ពីព្រោះថា បុណ្យរំលងសញ្ញាថ្មី គឺជាសេចក្តីសញ្ញាដែលព្រះយេស៊ូវបានតាំងឡើង ដោយការបូជារបស់ទ្រង់នៅលើឈើឆ្កាង ដើម្បីឱ្យមនុស្សជាតិទាំងអស់ អាចទទួលការផ្តាច់បាប ពីអំពើបាបនៅស្ថានសួគ៌ដែលឆ្ពោះទៅរកសេចក្តីស្លាប់ ហើយត្រឡប់ទៅនគរស្ថានសួគ៌វិញ។ ហើយយើងបានសេចក្ដីប្រោសលោះនៅក្នុងព្រះរាជបុត្រានោះ ដោយសារព្រះលោហិតទ្រង់ គឺជាសេចក្ដីប្រោសឱ្យរួចពីទោស តាមព្រះគុណដ៏ធ្ងន់ក្រៃលែងនៃទ្រង់ អេភេសូរ ១:៧ ដ្បិតឈ្នួលរបស់អំពើបាប នោះជាសេចក្ដីស្លាប់ តែអំណោយទាននៃព្រះវិញ គឺជាជីវិតដ៏នៅអស់កល្បជានិច្ច ដោយព្រះគ្រីស្ទយេស៊ូវជាព្រះអម្ចាស់នៃយើងរាល់គ្នា រ៉ូម ៦:២៣