Ang Araw ng mga Unang Bunga at ang Araw ng Muling Pagkabuhay

Sa Aling Kapistahan Winasak ng Diyos ang Kapangyarihan ng Kamatayan at Pinatunayan ang Pag-iral ng Kaharian ng Buhay na Walang Hanggan?

Gaya ng nilubog ng Diyos ang hukbo ng Ehipto sa Dagat na Pula, winasak Niya ang kapangyarihan ng kasalanan at ipinagkaloob sa sangkatauhan ang pag-asa ng muling pagkabuhay sa Araw ng Muling Pagkabuhay. Ito ang araw kung kailan ipinakita mismo ni Jesus na tayo ay mababagong-anyo mula sa isang pisikal na katawan sa isang espirituwal na katawan.

Bakit ang Araw ng mga Unang Bunga sa Lumang Tipan at ang Araw Kung Kailan Muling Nabuhay si Jesus Ay Parehong Linggo?

Ang araw kung kailan ang hukbo ng mga Ehipcio ay nalibing sa Dagat na Pula at kung kailan umahon ang mga Israelita mula sa Dagat na Pula ay nang Linggo. Kaya para gunitain ang araw na ito, tinatag ang Araw ng mga Unang Bunga sa Lumang Tipan, at ito ay ipinagdiriwang nang Linggo. Alinsunod sa propesiya, si Jesu-Cristo ay naging unang bunga ng mga namatay at muling nabuhay mula sa mga patay nang Linggo.

Sapagkat ang ating pagkamamamayan ay nasa langit; mula roon ay hinihintay naman natin ang Tagapagligtas, ang Panginoong Jesu-Cristo, na siyang magbabago ng ating hamak na katawan upang maging katulad ng katawan ng kanyang kaluwalhatian, ayon sa kapangyarihan na kumikilos sa kanya upang maipailalim sa kanyang sarili ang lahat ng mga bagay.
Philippians 3:20–21