ພະວິນຍານບໍລິສຸດແຫ່ງເທດສະການປຸກຕູບຢູ່ ແລະ ຄໍາອຸປະມາເລື່ອງຕະລັນ

[ວຽກ​ງານ​ຂອງ​ພະວິນຍານບໍລິສຸດ​ເກີດ​ຂຶ້ນ​ ເມື່ອ​ພວກເຮົາ​ມີສາຍ​ຕາ​ແຫ່ງ​ຄວາມເຊື່ອ
​ເໝືອນ​ດັ່ງ​ຜູ້​ທີ່​ໄດ້​ຮັບມາຕື່ມອີກຫ້າຕະລັນ.]

ດັ່ງທີ່ນາຍໄດ້ບອກຄົນໃຊ້ໃຫ້ດໍາເນີນທຸລະກິດດ້ວຍຕະລັນທີ່ໄດ້ຮັບ ໃນຄໍາອຸປະມາເລື່ອງຕະລັນ
ໃນມັດທາຍ 25, ພວກເຮົາຕ້ອງປະກາດຂ່າວປະເສີດແຫ່ງຄໍາໝັ້ນສັນຍາໃໝ່ຢ່າງຂະຫຍັນໝັ່ນພຽນ
ເຊິ່ງພວກເຮົາໄດ້ຮັບມາຈາກພະເຈົ້າ ໄປສູ່ທັງທົ່ວໂລກ.
ຕ່າງຈາກຜູ້ທີ່ໄດ້ຮັບໜຶ່ງຕະລັນ ແລະ ຝັງມັນໄວ້ໃນພື້ນດິນ, ເມື່ອພວກເຮົາປະຖິ້ມຄວາມສົງໄສ
ແລະ ຄວາມລັງເລໃຈທັງໝົດອອກໄປ ແລະ ປະກາດຂ່າວປະເສີດ ດ້ວຍສາຍຕາແຫ່ງຄວາມເຊື່ອ,
ພວກເຮົາຈະສາມາດພົບກັບການອັດສະຈັນຂອງພະເຈົ້າໄດ້.

[ເໝືອນດັ່ງຜູ້ເຊື່ອຖືໃນຄິດສະຕະຈັກຕອນຕົ້ນ, ສະມາຊິກຄິດສະຕະຈັກຂອງພະເຈົ້າ
ກໍໄດ້ຮັບພະວິນຍານບໍລິສຸດແຫ່ງເທດສະການປຸກຕູບຢູ່, ພວກເຂົາຄວນເຮັດຫຍັງ?]

ດັ່ງທີ່ບັນດາອັກຄະທູດໄດ້ປະກາດຂ່າວປະເສີດທຸກມື້ວ່າ ພະເຢຊູຊົງເປັນພະຄິດ
ດ້ວຍລິດອໍານາດແຫ່ງພະວິນຍານບໍລິສຸດ, ພວກເຮົາຕ້ອງປະກາດຄວາມພົ້ນຂອງພະຄິດ ພະອັນຊັງໂຮງ ແລະ ພະເຈົ້າພະມານດາ ໄປສູ່ທັງທົ່ວໂລກຢ່າງຂະຫຍັນໝັ່ນພຽນ ໂດຍເຊື່ອໃນພະສັນຍາຂອງພະເຈົ້າ
ທີ່ຈະຊົງປະທານພະວິນຍານບໍລິສຸດ ໃນສະໄໝພະວິນຍານບໍລິສຸດ ເຊິ່ງມີລິດອໍານາດຫຼາຍກວ່າການສະເດັດມາເທື່ອທໍາອິດຂອງພະອົງເຖິງເຈັດເທົ່າ.

ເປໂຕກ່າວແກ່ພວກເຂົາວ່າ “ແຕ່ລະຄົນໃນພວກທ່ານຕ້ອງກັບໃຈເຊົາເຮັດບາບ ແລະ ຮັບບັບຕິດສະມາ
ໃນນາມຂອງພະເຢຊູຄິດ ເພື່ອວ່າການບາບຂອງພວກທ່ານຈະໄດ້ຮັບອະໄພ ແລະ ພວກທ່ານກໍຈະໄດ້ຮັບ
ຂອງປະທານໃຫ້ຈາກພະເຈົ້າ ຄືພະວິນຍານບໍລິສຸດ.... “ຈົ່ງເອົາຕົວລອດຈາກການລົງໂທດ ທີ່ຈວນຈະຕົກຖືກ
ຄົນເຊັ່ນຊົ່ວຮ້າຍນີ້!” ຫຼາຍຄົນໃນພວກເຂົາເຊື່ອຖ້ອຍຄໍາຂອງເປໂຕ ແລະ ຮັບບັບຕິດສະມາ ແລະ ມີປະມານ
ສາມພັນຄົນໄດ້ຕື່ມເຂົ້າໃນກຸ່ມຂອງຄົນເຊື່ອຖືໃນມື້ນັ້ນ.
[ກິດຈະການ 2:38-41]