Ombepo Ondjapuki yOshituthi shOmatsali gIihwa Iitalala & Eyele lyIimaliwa

Oshilonga shOmbepo Ondjapuki Ohashi Holoka Uuna Tu Na Omeho gEitaalo
Ngaashi Ngoka A Likolele Iimaliwa Iikwawo Omayuvi Gatano

Ngashika naanaa omuwa a lombwele omumati a ka ngeshefe niimaliwa mbyoka a pewa
mEyele lyIimaliwa muMateus 25, otu na okuuvitha twa mana mo evaangeli
lyehangano epe, ndyoka twa taamba okuza kuKalunga, kuuyuni auhe.
Inaatu fa omuntu ngoka a taambele iimaliwa eyuvi limwe e te yi fumvike mevi,
uuna tatu ekelehi omalimbililo nomaungaungo getu agehe e tatu uvitha evaangeli nomeho geitaalo,
otatu vulu okuuva iilongankondo yaKalunga.

Ngaashi Aantu yaKalunga yomEgongalo lyotango, Iilyo yomEgongalo lyaKalunga
Oya Taamba Ombepo Ondjapuki yOshituthi shOmatsali gIihwa Iitalala—Oye Na Okuninga Shike?

Ngashika naanaa aayapostoli ya uvithile esiku kehe kutya Jesus oye Kristus noonkondo dhOmbepo Ondjapuki, oye na okuuvitha ya mana mo ehupitho lyaKristus Ahnsahnghong naMeme Kalunga kuuyuni auhe, yi itaala meuvaneko lyaKalunga lyokugandja Ombepo Ondjapuki, ndjoka yi na oonkondo luheyali yi vulithe ndjoka yopokuya Kwe kwotango, methimbo lyOmbepo Ondjapuki.

Petrus okwe ya yamukula a ti: “Itedhululeni, mu ethe uulunde, kehe gumwe gwomune polwe, mu shashelwe medhina lyaJesus Kristus. Nena Kalunga ota dhimi po oondjo dheni note mu pe omagano gOmbepo Ondjapuki. . . .
“Etheni, mu hupithwe mo megeelo ndyoka tali ka adha aakolokoshi mboka.”
Oyendji yomuyo oyi itaale oohapu dhe noya shashwa. Esiku ndyoka Omuwa okwa gwedhele ko ongundu yooitaali, aantu ye thike pomayuvi gatatu.
Iilonga 2:38~41