ଜାମ୍ବାଡ଼ା ପାର୍ବରାଃ ପାବିତ୍ର ଆତ୍ମା ଅଡ଼ଃ ତୋଡ଼ାରାଃ ଜନକା

ପାବିତ୍ର ଆତ୍ମାଃ କାମି ଆବୁତାଃରେ ଏଣ୍ଡେନାଙ୍ଗ୍ କାମିୟଃତାନା ଚିମ୍‌ତା ଆବୁତାଃରେ ଅଡ଼ଃ ମୋଣେ ତୋଡ଼ା ପୋସାକେଦ୍‌ ହଡ଼ୱାଃ ବିଶ୍ୱାସ୍ ତାଇନ୍‌ତାନା

ଚିଲ୍‌କା ମାତି 25 ରେ ତୋଡ଼ାରାଃ ଜନକା କାଜିରେନ୍ ଗୋମ୍‌କେ କିରିଙ୍ଗ୍ ଆକ୍ରିଙ୍ଗେ ନାଗେନ୍ତେ ଦାସିକକେ କାଜିୟାଦ୍‌କଆ, ଏନ୍‌ଲେକାଗେ ଆବୁୟ ପାର୍‌ମେଶ୍ୱାର୍‌ରେତେବୁ ନାମାକାଦ୍‌ତେୟାଃ, ନାୱାଁ ନିୟାଁମ୍‌ରାଃ ସୁକୁକାଜି ଗୋଟା ଅତେ ଦିଶୁମ୍‌ରେ ପ୍ରାଚାରେ ଲାଗାତିଙ୍ଗା।
ଅଡ଼ଃ ଚିମ୍‌ତା ଆବୁ ଏନ୍ ମିୟାଁଦ୍ ତୋଡ଼ାଏ ନାମ୍‌ଲେଦ୍ ହଡ଼ ଅକନିଃ ଅତେରେ ତୋପାକେଦା ଇନିୟାଃ ଜକାରେ, ଆଡ଼ାଃ ଉଡ଼ୁଃ ଆତମ୍‌କେତେ ବିଶ୍ୱାସ୍‌ରାଃ ମେଦ୍‌ତେ ସୁକୁକାଜିବୁ ପ୍ରାଚାରେରେଦ, ଆବୁ ପାର୍‌ମେଶ୍ୱାର୍‌ରାଃ ଆକାନ୍ଦାନ୍ଦାବୁ ଆଟ୍‌କାର୍ ଉରୁମ୍ ଧାଳିୟା।

ଏନେଟେଃ କାଲିସିୟାରେନ୍ ସାନ୍ତକଲେକା, ପାର୍‌ମେଶ୍ୱାର୍‌ରାଃ କାଲିସିୟାରେନ୍ ହାଗାମିସିକ ଜାମ୍ବାଡ଼ା ପାର୍ବରାଃ ପାବିତ୍ର ଆତ୍ମାକ ନାମାକାଦା-ଇନ୍‌କୁକେ ଚିନାଃ ଚିକାଏ ଲାଗାତିଙ୍ଗା?

ଇନ୍‌କୁକେ ଚିଲ୍‌କା ପ୍ରେରିତ୍‌କ ପାବିତ୍ର ଆତ୍ମାଃ ପେଡ଼େଃଲଃତେ ୟୀଶୁ ଖ୍ରୀଷ୍ଟ୍‌ ତାନିଃ ମେନ୍ତେ, ଆଙ୍ଗଃମୁତିଦ୍‌କ ପ୍ରାଚାର୍‌କେଦା, ଏନ୍‌ଲେକାଗେ ପାବିତ୍ର ଆତ୍ମାଃ ଦିପିଲିରେ, ପାର୍‌ମେଶ୍ୱାର୍‌ରାଃ ବନର୍ସା ଇନିଃ ପାବିତ୍ର ଆତ୍ମାଏ ଏମେୟାଁ ନେୟାଁରେ ବିଶ୍ୱାସେତାନ୍‌ଲଃ, ଇନିୟାଃ ସିଦା ହିନିଜୁଃରେୟାଃ ଜକାରେ ଏୟା ଗୁନାଏ ପେଡ଼େଃୟାଁନା, ଅଡ଼ଃ ଗୋଟା ଅତେ ଦିଶୁମ୍‌ରେ ଖ୍ରୀଷ୍ଟ୍‌ ଆନ୍ ସାଙ୍ଗ୍ ହୋଙ୍ଗ୍ ଅଡ଼ଃ ଏଙ୍ଗା ପାର୍‌ମେଶ୍ୱାର୍‌ରାଃ ଦୁନୁଃ ପ୍ରାଚାରେ ଲାଗାତିଙ୍ଗା।

ଏନ୍ତେ ପାତ୍ରାସ୍ ଇନ୍‌କୁଏ କାଜିୟାଦ୍‌କଆ, ମୋନ୍ ରୁୱାଡ଼େପେ ଅଡ଼ଃ ଆପେ ମିମିୟାଁଦ୍ ହଡ଼ ୟୀଶୁ ଖ୍ରୀଷ୍ଟ୍‌ଟାଃ ନୁତୁମ୍‌ତେ ପାପ୍‌ ଛେମା ନାମେ ନାଗେନ୍ତେ ବାପ୍ତିସ୍ମାଃଅପେ ଏନ୍ତେ ଆପେ, ପାବିତ୍ର ଆତ୍ମା ଏନେନ୍‌ପେ ନାମୀୟାଁ।
...ନେ ପାରିୟାରେନ୍ ବାଙ୍କା ହଡ଼କଏତେ ହିଡ଼େନ୍‌ପେ।
ଏନ୍ତେ ଇନିୟାଃ କାଜି ସୁକୁତେ ତେଲାକେଦ୍‌କ ବାପ୍ତିସ୍ମାୟାଁନା ଅଡ଼ଃ ଏନ୍ ହୁଲାଙ୍ଗ୍ ଆପି ହାଜାର୍‌ଲେକା ହଡ଼କ ଇନ୍‌କୁଲଃକ ମେସାୟାଁନା।
ପ୍ରେରିତ୍ 2:38-41