Ang Church of God Nagsaulog sa Pagsaylo, Nga Naghupot sa Dakong Saad ug Tinuod nga Gugma sa Dios Uban sa lawom nga tinguha nga mabuhi ang tibuok katawhan, gitukod sa Dios ang dakong saad sa Pagsaylo. Sa gabii sa wala pa ang Iyang kamatayon sa krus, gibilin Niya kanato ang Iyang kataposang tugon, nga nagsugo, “Kinahanglan ninyong saulogon ang Pagsaylo.” Nganong Gipahiuli ni Cristo Ahnsahnghong ang Pagsaylo, nga Giwagtang niadtong AD 325? Ang Pagsaylo, nga gisugo mismo sa Dios nga atong saulogon, dili gayod mawagtang pinaagi sa awtoridad sa tawo. Sama nga ang mga Israelita, nga nag-antos sa dugay nga pagkaulipon sa Ehipto, naluwas pinaagi sa Pagsaylo, ang kamatuoran sa Pagsaylo mao ang bugtong dalan sa kalingkawasan alang sa tibuok katawhan, nga gigapos sa mga talikala sa kamatayon. Ug miabot ang adlaw sa Kasaulogan sa Pan nga Walay Patubo nga maoy ting-ihaw sa mga nating karnero nga maoy kan-on sa panihapon sa panahon sa Pangilin sa Pagsaylo. Sa pag-abot sa takna sa panihapon, mitambong si Jesus sa kan-anan uban sa mga apostoles. Ug miingon siya kanila, “Dako kaayo ang akong tinguha sa pagkaon uban kaninyo niining panihapon sa Kasaulogan sa Pagsaylo sa dili pa ako mag-antos. Luke 22:7–15 Si Jesus miingon kanila, “Sultihan ko kamo: kon dili kamo mokaon sa unod sa Anak sa Tawo ug dili moinom sa iyang dugo, dili kamo makabaton ug kinabuhi. Ang mokaon sa akong unod ug moinom sa akong dugo may kinabuhing walay kataposan ug banhawon ko siya sa kataposang adlaw. John 6:53–54

Ang Adlaw nga Igpapahulay Mao ang Sukdanan sa Pag-ila Kadtong Anaa sa Dapig sa Dios gikan sa Kadtong Anaa sa Dapig ni Satanas Kadtong anaa sa dapig sa Dios naghinumdom sa Iyang sugo, ang Adlaw nga Igpapahulay, ug nagbalaan niini. Sa laing bahin, kadtong anaa sa dapig ni Satanas nagsupak sa Adlaw nga Igpapahulay, nga mao ang kabubut-on sa Dios. Ang Biblia nagrekord nga sa kataposan ilang limbongan ang tibuok kalibotan ug dad-on kini ngadto sa kalaglagan. Ang mga Miyembro sa Church of God Nagbalaan sa Adlaw nga Igpapahulay (Sabado) Ang katawhan sa Dios nga anaa sa dapig sa Dios kanunay nga nagtuman sa Iyang mga sugo. Gihulagway ni Apostol Juan kadtong nagsunod sa Nating Karnero bisan asa Siya moadto isip “mga balaan.” Miingon siya nga sila mao kadtong nagpakita sa ilang paglahutay pinaagi sa pagtuman sa mga sugo sa Dios hangtod sa kataposan. Kinahanglan nga molahutay ang katawhan sa Dios, sila nga nagtuman sa mga sugo sa Dios ug nagmaminatud-on kang Jesus. Revelation 14:12 “Hinumdomi ang Adlaw nga Igpapahulay ug ilha kini nga balaan. Exodus 20:8

[Ang hinungdan nganong ang usa ka kinabuhi nga ngitngit ug walay katawa nausab ngadto sa usa ka kinabuhi nga puno sa gugma ug kalipay] Ang pagtulon-an nga ang Dios mianhi sa unod nakapukaw sa daghang emosyon ug pagduhaduha sa sinugdanan. Apan, tungod kay importante kaayo ang hustong pagsabot, akong gitun-an ang mga propesiya mahitungod sa Ikaduhang Pag-abot nga Jesus pinaagi sa Biblia. Samtang nagpadayon ko sa pagtuon, mituo ako nga si Cristo Ahnsahnghong mao ang Dios nga mianhi sa unod, ug nakatuo usab ako sa Dios Inahan nga mianhi niining kalibotan. Ang kamatuoran nga ang Dios mianhi isip tawo dili usa ka butang nga base sa personal nga opinyon, apan usa ka kamatuoran nga kinahanglang susihon sa obhetibong paagi. Ang akong kanhing kinabuhi, nga gibati nako nga haw-ang ug dili malipayon, nausab human nako nahimamat ang Dios Amahan ug ang Dios Inahan sa Church of God. Karon nahimo na kining malipayong kinabuhi, puno sa katawa ug gugma, samtang ako naghupot pag-ayo sa paglaom alang sa gingharian sa langit.

Tungod kay ang tanang pulong sa Espiritu Santo kinabuhi man, kinahanglan gayod sa katawhan ang Espiritu Santo. Sama nga ang tanang bahin sa lawas gimandoan sa ulo, ang katawhan angay nga mosunod sa kabubut-on sa Dios, ang Espiritu Santo, pinaagi sa pagtuman sa Ipagpapahulay nga naghatag og panalangin, ug sa Pagsaylo nga nagsaad sa kinabuhing dayon ug kaluwasan gikan sa katalagman. Kinahanglan kitang modagan sa lumba sa pagtuo, nga naglantaw sa ganti sa gingharian sa langit, ug magmapugnganon sa tanang butang.

Gisulayan sa Dios ang Kasingkasing sa Iyang mga Anak Pinaagi sa Pagbutang Kanila sa mga Kahimtang sa Panginahanglan, Pagkadehado, ug Kahuyang. Si Elias nag-inusara sa pakigbatok sa 850 ka mini nga mga propeta; ang batan-ong si David mipildi kang Goliat; ang 300 ka sundalo ni Gideon nakigbatok sa 135,000 ka sundalo sa Midian; ang mga Israelita nag-antos sa kamingawan sulod sa 40 ka tuig, ug ang mga balaan sa unang Simbahan nagsangyaw sa ebanghelyo bisan pa sa paglutos ug kamatayon. Pinaagi sa kalisdanan, giputli ang ilang kasingkasing, ug nauyonan sa Dios ang ilang pagtuo; sa kataposan, nadawat nila ang himaya sa kadaogan. Giunsa sa Dios, nga Nakakita sa Kataposan gikan sa Sinugdanan, Pagpanalangin sa Iyang mga Anak Nasayod daan ang Dios nga ang Iyang mga anak mag-antos ug moatubang og mga babag gikan sa yawa. Apan pinaagi sa pagputli, gitultolan usa Niya sila sa pagbaton og pagtahod Kaniya, uban ang pagtuo, paglaom, gugma, ug espiritu nga mosalikway sa daotan ug mopili sa maayo, sa wala pa Siya mibuhat alang kanila og mga milagro pinaagi sa Iyang gahom. Sama nga ang bulawan ug ang plata tunawon sa kalayo, ang kasingkasing sa tawo sulayan usab sa Ginoo. Proverbs 17:3 “Sa sinugdan pa lang gipadayag ko na ang umaabot. Sukad pa kaniadto, giplano ko na kon unsa ang mahitabo. Matuman gayod ang akong mga plano; himuon ko ang tanan kong gustong buhaton.” Isaiah 46:10, APD