Langitnong Inahang Jerusalem, ang Tinubdan sa Tubig sa Kinabuhi

Ang Dios Naghatag Gihapon sa Espiritu Santo sa mga Dapit Diin Gisaulog ang Kasaulogan sa Balongbalong

Kadtong nagtuo sa Dios kinahanglan gayod nga magsaulog sa Kasaulogan sa Balongbalong sumala sa mga pagtulon-an sa Dios. Kini tungod kay ang Dios nag-ingon pinaagi kang propeta Zacarias nga Siya mohatag sa Espiritu Santo niadtong magsaulog sa Kasaulogan sa Balongbalong ug magpahamtang og silot niadtong dili magsaulog niini.

Ang Church of God Nagsaulog sa Kasaulogan sa Balongbalong, ug Kauban sa Espiritu ug sa Pangsaw-onon, Kinsa Naghatag sa Tubig sa Kinabuhi

Sa Iyang unang pag-anhi, si Jesus mihatag sa Espiritu Santo; sa Iyang ikaduhang pag-anhi, Ang Espiritu ug ang Pangsaw-onon mao ang mohatag sa Espiritu Santo sa Kasaulogan sa Balongbalong. Ang mga propesiya sa Biblia, “Ang Espiritu ug ang Pangsaw-onon mohatag sa tubig sa kinabuhi,” “ang buhing tubig modagayday gikan sa Jerusalem,” ug “Ang suba sa tubig sa kinabuhi modagayday gikan sa trono sa Dios” nagtagna nga ang Jerusalem Langitnong Inahan mohatag sa Espiritu Santo ug sa mga pagtulon-an nga motultol ngadto sa kinabuhi.

Niadtong higayona hapit na ang Kasaulogan sa mga Payagpayag Ang kataposang adlaw sa kasaulogan mao ang labing importante. Sa maong adlaw mibarog si Jesus ug miingon sa kusog nga tingog, ... Bisan kinsa nga motuo kanako modagayday gikan sa iyang kasingkasing, sama sa mga sapa, ang tubig nga naghatag ug kinabuhi, sumala sa giingon sa kasulatan.” Ang gipasabot ni Jesus niini mao ang Espiritu sa Dios nga hapit na madawat sa mituo kaniya... John 7:2–39

Ang Espiritu ug ang Pangasaw-onon miingon, “Dali ngari!” Ug ang tanang nakadungog paingna usab, “Dali ngari!” Duol kamong giuhaw ug kadtong may gusto, inom sa walay bayad nga tubig nga naghatag sa kinabuhi. Revelation 22:17