O Tinada Vakalomalagi Jerusalemi, na iVurevure ni wai ni bula.

E Solia Tikoga na Kalou na Yalo Tabu ki na Veivanua e Dau Vakananumi kina na Solevu ni Valetabanikau.

O ira era vakabauta na Kalou e dodonu me ra maroroya na Solevu ni Valetabanikau me vaka na ivakavuvuli ni Kalou. Oqo baleta ni a kaya na Kalou ena gusu i Sakaraia na parofita ni na solia na Yalo Tabu vei ira era maroroya na Solevu ni Valetabanikau ka kauta mai na itotogi vei ira era sega ni vakayacora.

Na Lotu ni Kalou e Maroroya na Solevu ni Valetabanikau, ka Tiko vata kei na Yalotabu kei na Yalewa me Vakamau, ka rau Solia na Wai ni Bula.

Ena imatai ni Nona lako mai, a solia kina o Jisu na Yalo Tabu; ena ikarua ni Nona lesu tale mai, erau solia na Yalotabu kei na Yalewa me Vakamau na Yalo Tabu ena Solevu ni Valetabanikau. Na vei parofisai ni Volatabu, “Erau solia na wai ni bula na Yalotabu kei na Yalewa me Vakamau,” “ena drodro mai Jerusalemi na wai bula,” kei na “na uciwai ni bula e drodro mai na i tikotiko vakaturaga ni Kalou” e parofisaitaka ni na solia o Jerusalemi na Tinada Vakalomalagi na Yalo Tabu kei na i vakavuvuli e veimuataki ki na bula.

A sa voleka tiko mai na gauna ni nodra Solevu ni Valetabanikau na Jiu... Ena i otioti ni siga ni Solevu, na siga bibi duadua sara ena Solevu, sa qai tu cake ko Jisu ka kaci, ka kaya... O koya sa vakabauti au, me vaka e kaya na i Vola Tabu, ‘Ena dave mai lomana na veiuciwai ni wai ni bula.’ ” A sa tukuna ko Jisu na ka oqo me baleta na Yalo Tabu, ka na soli vei ira era sa vakabauti koya ena dua na gauna e muri... Joni 7:2–39

A rau sa kaya na Yalo Tabu kei na yalewa me vakamau, “Lako mai!” O ira kecega sa rogoca oqo me kaya talega, “Lako mai!” Me lako mai o ira vakayadua sa viagunu. Me ra ciqoma na wai ni bula me vaka ni sai solisoli vei ira vakayadua sa vinakata. Vakatakila 22:17