Kang Kinsa Gihatag ang Balaang Espiritu sa Ulahing Ulan?

Ang Relasyon Tali sa Tubig sa Kinabuhi ug sa Espiritu
Santo sa Ulahing Ulan nga Gihatag sa Kasaulogan
sa mga Balongbalong, ug sa Dios nga Inahan

Si Jesus miingon nga ang tubig sa kinabuhi nga gihatag
sa Kasaulogan sa mga Balongbalong mao ang Balaang
Espiritu sa ulahing ulan. Si propeta Zacarias,
Ezekiel, ug Apostol Juan mipamatuod nga ang Langitnong
Inahan nga Jerusalem, nga maoy gitawag nga Trono sa
Dios, mao ang Tinubdan sa tubig sa kinabuhi. Ug sila
nagpamatuod nga Siya mohatag og kinabuhing dayon
ngadto sa katawhan karong panahona sa Espiritu Santo.

Kinahanglan Kita Makaila sa Dios Aron Makadawat
sa Tubig sa Kinabuhi nga Gihatag sa Kasaulogan
sa mga Balongbalong

Ang Church of God mituo sa mga pulong, "Kon kinsa
nga nakaila sa Dios makadawat sa Balaang Espiritu
sa ulahing ulan."
Ilang gituman ang misyon isip usa ka magbalantay sa
hustong paagi sa pagmantala ngadto sa tanang katawhan
nga sila kinahanglang moanhi ug modawat sa
kaluwasan gikan kang Cristo Ahnsahnghong ug sa Diyos
Inahan, ug makadawat usab sa Balaang Espiritu sa ulahing
ulan sa Kasaulogan sa mga Balongbalong.

Niadtong higayona hapit na ang Kasaulogan sa mga
Payagpayag o Balongbalong... mibarog si Jesus ug
miingon sa kusog nga tingog, “Paduola kanako ang
giuhaw ug paimnon ko siya. Bisan kinsa nga motuo kanako
modagayday gikan sa iyang kasingkasing, sama sa mga
sapa, ang tubig nga naghatag ug kinabuhi, sumala sa
giingon sa kasulatan.” Ang gipasabot ni Jesus niini mao
ang Espiritu sa Dios nga hapit na madawat sa mituo kaniya.
Juan 7:2–39

Ang Espiritu ug ang Pangasaw-onon miingon, “Dali ngari!”
Ug ang tanang nakadungog paingna usab, “Dali ngari!”
Duol kamong giuhaw ug kadtong may gusto, inom sa
walay bayad nga tubig nga naghatag sa kinabuhi.
Gipadayag 22:17