ພະວິນຍານບໍລິສຸດແຫ່ງຝົນປາຍລະດູ ຖືກມອບໃຫ້ແກ່ໃຜ?

[ຄວາມສໍາພັນລະຫວ່າງ ນໍ້າແຫ່ງຊີວິດ ແລະ ພະວິນຍານບໍລິສຸດຝົນປາຍລະດູ ທີ່ປະທານໃຫ້ໃນເທດສະການປຸກຕູບຢູ່ ແລະ ພະເຈົ້າພະມານດາ]

ພະເຢຊູໄດ້ຊົງກ່າວວ່າ ນໍ້າແຫ່ງຊີວິດທີ່ປະທານໃຫ້ ໃນເທດສະການປຸກຕູບຢູ່ ແມ່ນພະວິນຍານບໍລິສຸດຝົນປາຍລະດູ. ຜູ້ປະກາດພະຄໍາເສກາລີຢາ, ເອເສກຽນ ແລະ ອັກຄະທູດໂຢຮັນໄດ້ພິຍານວ່າ ພະມານດາແຫ່ງສະຫວັນເຢລູຊາເລັມ ຜູ້ທີ່ຊົງຖືກເອີ້ນວ່າເປັນ ບັນລັງຂອງພະເຈົ້າ ແມ່ນຕົ້ນກໍາເນີດຂອງນໍ້າແຫ່ງຊີວິດ ທີ່ຈະໃຫ້ຊີວິດນິລັນແກ່ມະນຸດຊາດ ໃນສະໄໝພະວິນຍານບໍລິສຸດ.

[ພວກເຮົາຕ້ອງຮູ້ຈັກພະເຈົ້າ ເພື່ອຮັບເອົານໍ້າແຫ່ງຊີວິດ ທີ່ປະທານໃຫ້ໃນເທດສະການປຸກຕູບຢູ່]

ຄິດສະຕະຈັກຂອງພະເຈົ້າເຊື່ອໃນພະຄໍາທີ່ວ່າ: “ຜູ້ໃດກໍຕາມທີ່ຮູ້ຈັກພະເຈົ້າ ຈະໄດ້ຮັບພະວິນຍານບໍລິສຸດຝົນປາຍລະດູ”. ພວກເຂົາກໍາລັງດໍາເນີນພາລະກິດຂອງຜູ້ເຝົ້າຍາມ ເພື່ອປະກາດໃຫ້ແກ່ມະນຸດຊາດທຸກຄົນຢ່າງຖືກຕ້ອງວ່າ ພວກເຂົາຕ້ອງມາ ແລະ ຮັບເອົາຄວາມພົ້ນຈາກ ພະຄິດອັນຊັງໂຮງ ແລະ ພະເຈົ້າພະມານດາ ແລະ ຮັບເອົາພະວິນຍານບໍລິສຸດຝົນປາຍລະດູ ໃນເທດສະການປຸກຕູບຢູ່ດ້ວຍ.

ເທດສະການປຸກຕູບຢູ່ຂອງຊາວຢິວກໍໃກ້ເຂົ້າມາແລ້ວ... ພະເຢຊູໄດ້ຢືນຂຶ້ນ ແລະ ຮ້ອງດັງໆວ່າ “ຜູ້ໃດກໍຕາມທີ່ຫິວນໍ້າໃຫ້ມາຫາເຮົາ ແລະ ດື່ມ. ດັ່ງທີ່ມີຂຽນໄວ້ໃນພະຄໍາພີວ່າ ‘ຜູ້ໃດກໍຕາມທີ່ເຊື່ອໃນເຮົາ ສາຍນໍ້າແຫ່ງຊີວິດຈະໄຫຼອອກຈາກຜູ້ນັ້ນ.’” ສິ່ງທີ່ພະເຢຊູໄດ້ກ່າວນັ້ນໝາຍເຖິງພະວິນຍານ ເຊິ່ງຜູ້ທີ່ເຊື່ອໃນພະອົງຈະໄດ້ຮັບ.
[ໂຢຮັນ 7:2-39]

ແລ້ວພະວິນຍານ ແລະ ເຈົ້າສາວກໍກ່າວວ່າ “ມາເທາະ!” ທຸກໆຄົນທີ່ຍິນເລື່ອງນີ້ ກໍຕ້ອງເວົ້າຄືກັນວ່າ “ມາເທາະ!” ຈົ່ງມາເທາະ ຜູ້ໃດກໍຕາມທີ່ຫິວນໍ້າ; ຈົ່ງຮັບເອົານໍ້າແຫ່ງຊີວິດໄປດື່ມ ໂດຍບໍ່ຕ້ອງເສຍຄ່າ.
[ພະນິມິດ 22:17]