O Ai e Tuuina Atu i ai le Agaga Paia o le Uaga Mulimuli?

O le Sootaga o le Vai o le Ola ma le Uaga Mulimuli o le Agaga Paia na tuuina atu i le Tausamiga o Fale Apitaga, ma le Atua le Tinā.

Na fetalai Iesu o le vai o le ola e tuuina mai i le Tausamiga o Fale Apitaga o le uaga mulimuli lea o le Agaga Paia. Na molimau mai le perofeta o Sakaria, Esekielu, ma le Aposetolo o Ioane o le Tinā Faalelagi o Ierusalema, lea ua tā’ua o le Nofoalii o le Atua, o le Puna o le vai o le ola. Ma sa latou molimau mai o le a Ia tuuina mai le ola e faavavau i tagata i le vaitaimi lenei o le Agaga Paia.

E Tatau Ona Tatou Iloa le Atua e Maua ai le Vai o le Ola na Tuuina Mai i le Tausamiga o Fale Apitaga

E talitonu le Ekalesia a le Atua i upu, “O lē ua iloa le Atua, e maua e ia le uaga mulimuli o le Agaga Paia.” O loo latou faʻatinoina le misiona o se tagata vaʻai e folafola saʻo i tagata uma e tatau ona latou o mai ma maua le faaolataga mai ia Keriso Ahnsahnghong ma le Atua le Tinā, ma maua foi le uaga mulimuli o le Agaga Paia i le Tausamiga o Fale Apitaga.

Ua latalata le tausamiga o Iutaia, o le tausamiga o fale apitaga . . . ua tulai ai Iesu, ma alaga, ua faapea atu, Afai e fia inu se tasi, ina sau ia ia te au e inu ai. O se faatuatua ia te au, e faapei ona fai mai o le Tusi, E tafe mai o vaitafe mai totonu ia te ia, o le vai ola lava. Ua fetalai atu o ia lena upu o le Agaga, e maua e i latou ua faatuatua ia te ia;
Ioane 7:2–39

Ua fetalai mai le Agaga ma le faatoanofotane, Ina sau ia; ina fai atu foi ia o lē faalogo, Ina sau ia; o lē fia inu, ina sau ia, atoa ma lē manao i ai, ina ave fua ia le vai o le ola.
Faaaliga e 22:17