2020 оны 8-р сард Бурханы сүмийн ажилчин залуу сайн дурынхны ASEZ WAO багийн 140 гаруй гишүүн амралтын өдрөөрөө Гуанжү хотод үерийн дараах яаралтай тусламжийн ажил өрнүүллээ.
2020 оны зун Солонгост борооны улирал 50 гаруй хоног үргэлжилсэн нь Солонгосын цаг уурын албанаас ажиглалт хийж эхэлснээс хойших хамгийн удаан хугацаагаар орсон бороо гэж тэмдэглэгджээ. Хүчтэй аадар бороо далайн хар салхи дагуулсан нь Солонгос орон даяар ихээхэн хохирол авчрав. Айл гэр үерт автаж, үй олон мал амьтан алдагдав. Ялангуяа Гуанжү хот гамшигт ихээхэн нэрвэгдэж, онцгой гамшгийн бүс гэгдээд байгаа аж.
Уг сайн дурынхны багийн 140 гаруй хүн Гуанжү хотын Собундуны Гуансангүд очиж, гамшгийн дараах яаралтай тусламжийн ажилд оролцов. Сайн дурынхныг үер болсон газар дээр очиход оршин суугчдын байшин барилга, худалдааны төвүүд шавар, шороонд дарагдсан байлаа. Сайн дурынхан айлуудаар орж гарч, шавар, шороог нь шавхаж, шороонд дарагдсан эд хогшлыг нь гадагш хашаа руу зөөж гаргав.
Гуансан дүүргийн иргэдийн хурлын дарга И Ён Хүн гамшгийн голомт болсон газар ирж, “Хүсэл сонирхолдоо зугаа цэнгэл хөөж цагийг өнгөрүүлж болох байтал үерийн дараах яаралтай тусламжийн ажилд оролцож байгаад залуустаа их талархаж байна” хэмээн өгүүлэв. ASEZ WAO-н гишүүний хувиар сайн дурын үйл ажиллагаанд оролцсон Чой Ын Жи “Үерийн хохирогчид хүнд хэцүү үед нь хамт байж зовлон зүдгүүрийг нь хуваалцах хөрш олон байгааг санаад тайвширч, урам хүч орох байх гэж найдаж байна” гэж өгүүлэв.
Баяр хөөр их хуваалцах тусам баяр хөөр дээр баяр хөөр нэмэгдэж, уйтгар гунигийг нь их хуваалцах тусам уйтгар гуниг тэр хэрээр багасна. ASEZ WAO сайн дурынхан цаашид үерээр болон “Ковид-19” цар тахлын улмаас зовж зүдэрч буй хүмүүст хэвийн амьдралаа дахин олж авах хүртэл нь тусламжийн гараа сунгасаар байх болно оо.
- Тавигдсан огноо
- 2022. 03. 08
- Хуваалцах
- 107
