Ang Sagradong Pagkatawo

Si Cristo Ahnsahnghong natawo sa usa ka lungsod sa minahan nga nahimutang sa Jangsu-gun, Jeollabuk-do, Republika sa Korea, niadtong 1918. Sa unang pag-abot ni Jesus 2,000 ka tuig ang milabay, bisan ang usa ka amang nga hayop mihatag sa iyang pasungan ngadto Kaniya ug ang mga mago gikan sa sidlakan naghatag Kaniya sa mga gasa nga bulawan, insenso, ug mira. Apan, sa dihang niabot Siya sa ikaduhang higayon dinhi sa yuta isip usa ka tawo, gikan sa higayon sa Iyang pagkatawo, Siya niagi sa mga pagsulay ug kasakit.

Niadtong 1918, sa dihang natawo si Cristo Ahnsahnghong, bisan sa wala pa matapos ang Unang Gubat sa Kalibutan nga nagdala sa tibuok kalibutan ngadto sa usa ka bangungot sa kamatayon, usa ka anino sa kamatayon ang mibalik sa tibuok kalibutan. Ang Spanish flu nakaimpeksyon sa ikatulo nga bahin sa populasyon sa kalibutan ug nakapatay og 50 ngadto sa 100 milyon nga mga tawo. Ang Korea wala’y eksepsyon sa kahadlok sa usa ka katalagman nga gitawag og “medical holocaust.” Ang tanang tawo sa baryo nataptan ug walay bisan kinsa nga milubong sa mga patayng lawas. Ang Spanish flu nakaimpeksyon sa 7.6 milyon, 40% sa mga Koreano, ug 140,000 ang namatay.

Unsa man gayod ang gihuptan ni Satanas niining bangkete sa kamatayon alang sa kinabuhi sa tanang katawhan?

Mga 2,000 ka tuig ang milabay, sa dihang natawo si Jesus, gipamatay ni Haring Herodes ang tanang gagmayng batang lalaki sa Betlehem ug mga kasikbit nga dapit aron patyon si Jesus. Maingon man usab, sa Panahon sa Espiritu Santo, si Satanas misulay pagpugngan ang pagkatawo ni Cristo sa Ikaduhang Pag-anhi pinaagi sa pagpatay sa tanang mga bata (Matthew 2:13-16).

Apan, ang gahum sa kangitngit dili gayod makababag sa katuyoan ug kabubut-on sa Dios nga Makagagahum.

Sumala sa mga propesiya ni Haring David ug sa sambingay sa kahoyng igera, si Cristo Ahnsahnghong natawo niadtong 1918 ug nabunyagan niadtong 1948 sa edad nga traynta, ug nagdan-ag sa kahayag sa kinabuhi sa Bag-ong Kasabotan.

Ang World Mission Society Church of God nagtuo kang Ahnsahnghong ang Cristo nga mianhi sa ikaduhang higayon sumala sa mga propesiya sa Biblia.