Ang Araw ng Sabbath at ang Pagpapala ng Diyos

Ang Church of God ay Nangingilin ng Sabbath Alinsunod sa mga Katuruan ng Diyos

Ang Simbahan na nangingilin ng Sabbath sa Sabado ay pinagpala ng Diyos dahil iniutos ng Diyos sa sangkatauhan na ipangilin ang Sabbath hanggang sa katapusan ng panahon sa pagbibigay sa atin ng utos na, “Alalahanin mo ang araw ng Sabbath, upang ingatan itong banal,” at sa personal na pagbibigay ng halimbawa ng pangingilin ng Sabbath.

Ang Pagsasagawa ng Salita ng Diyos Gaya ng Pagkabigay Nito Ay ang Tunay na Pananampalataya

Tanging ang mga may matatag na pananampalataya na sumusunod sa mga utos ng Diyos alinsunod sa mga katuruan ni Cristo Ahnsahnghong at ng Diyos Ina ang makakatanggap ng pagpapala ng kaharian ng langit, dahil nasusulat na ang pananampalatayang walang gawa ay patay.

Ano ang pakinabang mga kapatid ko, kung sinasabi ng sinuman na siya’y may pananampalataya, ngunit walang mga gawa? Maililigtas ba siya ng kanyang pananampalataya? … Kaya’t ang pananampalataya na nag-iisa, kung ito ay walang mga gawa ay patay.
James 2:14–17