Tuturuan Kayo ng Diyos

Ang “Church of God” na Nangingilin ng Sabbath at Paskuwa ng Bagong Tipan at Kung Saan May Diyos Ina

Sinasabi ng lahat ng simbahan sa mundo na tinuturuan sila ng Diyos. Pero ang Simbahang tinuturuan ng Diyos ay dapat na may mga katotohanan ng bagong tipan at dapat ding may Diyos Ina na Siyang realidad ng bagong tipan.

Paano Makukumpleto ang Ebanghelyo ng Bagong Tipan, at Paano Maibubunyag ang Gawain ng Espiritu Santo?

Sa unang pagdating ni Jesus, tinupad ni Jesus ang kautusan ng lumang tipan. Sa Kanyang ikalawang pagdating, tanging ang mga lumalapit sa Diyos Ina na Siyang realidad ng bagong tipan, na tinuro mismo ni Cristo Ahnsahnghong na dumating sa lupa sa ikalawang pagkakataon para sa kaligtasan ng sangkatauhan, ang makakatanggap ng Espiritu Santo ng huling ulan na ibinubuhos ng Diyos at ang makakakamit ang kaligtasan.

“Nasusulat sa mga propeta, ‘At tuturuan silang lahat ng Diyos.’ Ang bawat nakarinig at natuto sa Ama ay lumalapit sa akin.”
John 6:45

At nangyari sa mga huling araw … “… upang maituro niya sa atin ang kanyang mga daan, at tayo’y makalakad sa kanyang mga landas.” Sapagkat mula sa Zion ay lalabas ang kautusan, at ang salita ng PANGINOON mula sa Jerusalem.
Micah 4:1–2