ພະເຈົ້າອົງເປັນທີ່ຮັກຂອງຂ້າພະອົງ

[ຄວາມຮັກຂອງພະເຈົ້າ ໃນການຖືກຄຶງທີ່ໄມ້ກາງແຂນ]

ພະເຈົ້າໄດ້ຊົງໃຫ້ຂໍ້ຄໍາສັ່ງຂໍ້ທໍາອິດແກ່ພວກເຮົາ “ຈົ່ງຮັກພະເຈົ້າ”, ຍ້ອນພະອົງຊົງຮັກພວກເຮົາ.
ຖ້າພວກເຮົາບໍ່ໄດ້ຮັກພະເຈົ້າ, ສຸດທ້າຍນັ້ນ, ພວກເຮົາກໍ່ຈະເດີນໄປສູ່ທາງແຫ່ງຄວາມບາບ.
ດັ່ງນັ້ນ, ຂໍ້ຄໍາສັ່ງຂໍ້ທໍາອິດ ແມ່ນມາຈາກຈິດໃຈແຫ່ງຄວາມຮັກຂອງພະເຈົ້າ ເພື່ອນໍາພາພວກເຮົາໄປສູ່ສະຫວັນ.

[ເປັນຄວາມສຸກ ແລະ ຄວາມຊົມຊື່ນຍິນດີ ທີ່ໄດ້ເດີນທາງໄປກັບຄົນທີ່ພວກເຮົາຮັກ
ເຖິງແມ່ນວ່າ ຈະເປັນການເດີນທາງທີ່ຫຍຸ້ງຍາກ ແລະ ຍາວໄກກໍ່ຕາມ]

ພວກເຮົາ ສະມາຊິກຄິດສະຕະຈັກຂອງພະເຈົ້າ ກໍາລັງດຳເນີນໄປໃນທາງແຫ່ງຄວາມເຊື່ອ ດ້ວຍຄວາມຮັກ ກັບພະເຈົ້າ ພະບິດາອັນຊັງໂຮງ ແລະ ພະເຈົ້າພະມານດາ ຜູ້ທີ່ຊົງຊ່ວຍພວກເຮົາໃຫ້ພົ້ນຈາກທາງແຫ່ງຄວາມຕາຍ ແລະ ຈາລຶກຄວາມຮັກຂອງພະອົງໄວ້ໃນຈິດໃຈຂອງພວກເຮົາ. ບໍ່ວ່າຈະເຮັດສິ່ງໃດກໍ່ຕາມ:
ຮັກສາພະບັນຍັດຂອງພະເຈົ້າ ຫຼື ປະກາດຂ່າວປະເສີດ, ກໍ່ຈະເຕັມລົ້ນໄປດ້ວຍຄວາມຊົມຊື່ນຍິນດີ ແລະ ຄວາມຂອບພະຄຸນຢູ່ສະເໝີ.

ພະເຢຊູຕອບວ່າ “ຈົ່ງຮັກພະຜູ້ເປັນພະເຈົ້າ ອົງເປັນພະເຈົ້າຂອງເຈົ້າ ດ້ວຍສຸດຫົວໃຈ,
ດ້ວຍສຸດຈິດ ແລະ ດ້ວຍສຸດຄວາມຄິດຂອງເຈົ້າ”. ນີ້ແມ່ນຄໍາສັ່ງຂໍ້ໃຫຍ່ ແລະ ຂໍ້ສໍາຄັນທີ່ສຸດ”.
[ມັດທາຍ 22:37-38]