Найдвараар дахин хөл дээрээ босох нь

2020 оны 8 сарын 16-нд Бурханы сүм дэлхийн сайн мэдээний авралын зар нийгэмлэгийн ажилчин залуусын ASEZ WAO сайн дурынхан амралтын өдрөөрөө Жоннам аймгийн Гүре хотод үерийн дараах яаралтай тусламжийн ажил өрнүүллээ.

2020 оны зун Солонгост борооны улирал 50 гаруй хоног үргэлжилсэн нь Солонгосын цаг уурын албанаас ажиглалт хийж эхэлснээс хойших хамгийн удаан хугацаагаар орсон бороо гэж тэмдэглэгджээ. Хүчтэй аадар бороо далайн хар салхи дагуулсан нь Солонгос орон даяар ихээхэн хохирол авчрав. Айл өрх үерт автаж, үй олон мал амьтан алдагдав. Ялангуяа Жоннам аймгийн Гүре хот гамшигт ихээхэн нэрвэгдэж, гамшгийн онцгой бүс гэгдээд байгаа.

Хохирлын талаарх энэхүү мэдээг сонсоод Гуанжү хотын ASEZ WAO-н 100 гаруй сайн дурынхан Гүре хот, Гүре сумын Дугжа тосгоныг зорилоо. Сомжин мөрний ойролцоо орших тосгонд их хэмжээний бороо орсны улмаас голын далан нурж, тариалангийн талбай усанд автан, ургац сүйдсэн байна. Сайн дурынхан эхлээд үерийн устай орж ирсэн хогийг түүж, модонд өлгөгдөн, унжиж санжсан эд зүйлийг салгаж авав. Мөн хугарч сүйрсэн модны өгөршиж муудсан эсвэл нугарч хугарсан мөчрүүдийг тайрч хөрөөдөн, тариалангийн талбайгаас гадагш зөөж гаргахын зэрэгцээ хажуугаар өнгөрч буй нутгийн иргэдийн аюулгүй байдлыг хангах үүднээс хүлэмжийн хог хаягдлыг ч зайлуулав. Халууны урсгалаас сэрэмжлүүлсэн анхааруулгаас ч илүү аагим халуун төөнөнө. Тэгсэн ч ASEZ WAO-н гишүүд үерт нэрвэгдэгсдийн санаа зовнилоос бага ч гэсэн үүрэлцэх болов уу гэж найдсандаа хөлсөө дуслуулан зүтгэнэ. Нутгийн иргэд тэдэнд урам өгч, талархал илэрхийлж байлаа.

Хурдан явахыг хүсвэл ганцаараа яв, хол явахыг хүсвэл хамтдаа яв гэдэг. Баяр хөөр их хуваалцах тусам баяр хөөр дээр баяр хөөр нэмэгдэж, уйтгар гунигийг нь их хуваалцах тусам уйтгар гуниг тэр хэрээр багасна. ASEZ WAO сайн дурынхан цаашид үерээр болон “Ковид-19” цар тахлын улмаас зовж зүдэрч буй хүмүүст хэвийн амьдралаа дахин олж авах хүртэл нь тусламжийн гараа сунгасаар байх болно оо.