On October 29, 2023, 200 Church of God members united from across LA, Ventura, and Santa Barbara County in California to participate in the 7,522nd Worldwide Cleanup Campaign. Their destination was Torrance Park, where they showcased the incredible impact of teamwork and collaboration. Joining forces with them were Torrance Mayor George Chen, Torrance City Council Members Asam Sheikh and Sharon Kalani, alongside representatives from the offices of California Legislative Assembly member Mike Gipson and California State Senator Ben Allen. Volunteers enthusiastically gathered nearly 25,000 gallons of trash, picked up litter, removed weeds and collected foliage.

[ຄິດສະຕະຈັກຕອນຕົ້ນ ແລະ ຄິດສະຕະຈັກຂອງພະເຈົ້າ​ມີຫຍັງທີ່ຄືກັນ ໃນແງ່ຂອງ​ຄວາມເຊື່ອ?] ເໝືອນ​ດັ່ງ​ຜູ້ເຊື່ອຖື​ຂອງ​ຄິດສະຕະຈັກຕອນຕົ້ນ ໄດ້ມີ​ຄວາມ​ຫວັງ​ໃນ​ການເປັນ​ຄືນ​ມາສູ່ຊີວິດ ໂດຍຜ່ານ​ການ​ເປັນ​ຄືນ​ມາສູ່ຊີວິດຂອງ​ພະເຢຊູຄິດ ແລະ ບໍ່​ຢ້ານ​ກົວຕໍ່​ຄວາມຍາກ​ລຳ​ບາກ, ການ​ຂົ່ມ​ເຫັງ ຫຼື ສະຖານະການ​ທີ່​ບໍ່​ດີຂອງ​ໂລກ​ນີ້, ​ຜູ້ເຊື່ອຖືຂອງຄິດສະຕະຈັກຂອງພະເຈົ້າ ກໍເຊັ່ນກັນ. ພວກເຂົາບໍ່ໄດ້ດໍາລົງຊີວິດເພື່ອສິ່ງທີ່ເຫັນໄດ້ດ້ວຍຕາ ຫຼື ສໍາລັບຊ່ວງເວລາສັ້ນໆ, ແຕ່ໄດ້ດໍາລົງຊີວິດດ້ວຍຄວາມຫວັງຂອງການເປັນຄືນມາສູ່ຊີວິດ ທີ່ພວກເຂົາຈະອາໄສຢູ່ໃນ ຮ່າງຝ່າຍຈິດວິນຍານ ໃນໂລກຝ່າຍວິນຍານ. [ຫຼັງ​ຈາກ​ການເປັນ​ຄືນ​ມາສູ່ຊີວິດແລ້ວ, ພະ​ເຢ​ຊູ​ໄດ້​ຊົງຢູ່ເໜືອການເວ​ລາ ​ແລະ ​ອາ​ວະ​ກາດ ​ ໃນມິຕິທີ​​ສາມ​ ແລະ ​ມິຕິທີຫ້າ.] ຫຼັງ​ຈາກທີ່​ພະ​ເຢ​ຊູ​ໄດ້ຊົງເປັນຄືນ​ມາສູ່ຊີວິດແລ້ວ, ພະ​ອົງກໍ​ໄດ້​ຫາຍ​​ໄປທັນທີ ​ໃນ​ຂະ​ນະ​ທີ່ ​ສົນ​ທະ​ນາ​ກັບ​ສາ​ວົກ​ຂອງ​ພະ​ອົງ, ​ໄດ້ຊົງ​ປາ​ກົດ​ຢູ່​ໃນ​ຫ້ອງ​ທີ່ລັອກໄວ້ໂດຍ​ບໍ່​ຄາດ​ຄິດ ແລະ​ ຊົງສະ​ແດງ​ໃຫ້​ເຫັນ​ເຖິງ​ການ​ສະ​ເດັດ​ຂຶ້ນສູ່ສະຫວັນ​ຂອງ​ພະ​ອົງ​ຕໍ່​ໜ້າຕໍ່ຕາຂອງ​ພວກເຂົາ​. ນີ້ສະແດງວ່າ ພວກເຮົາກໍຈະເປັນດັ່ງພະເຢຊູເຊັ່ນກັນ ໃນຮຸ່ງເຊົ້າຂອງການເປັນຄືນສູ່ຊີວິດ. ຮ່າງກາຍສໍາລັບຟ້າສະຫວັນ ແລະ ຮ່າງກາຍສໍາລັບແຜ່ນດິນໂລກກໍມີເຊັ່ນກັນ; ຮ່າງກາຍສໍາລັບຟ້າສະຫວັນ ມີຄວາມສະຫງ່າງາມຕ່າງກັບຄວາມສະຫງ່າງາມ ຂອງຮ່າງກາຍສໍາລັບແຜ່ນດິນໂລກ. ດວງອາທິດກໍມີຄວາມສະຫງ່າງາມຂອງ ດວງອາທິດ ໂດຍສະເພາະດວງຈັນກໍມີຄວາມສະຫງ່າງາມຢ່າງໜຶ່ງ ແລະ ດວງດາວກໍມີຄວາມສະຫງ່າງາມຢ່າງອື່ນອີກ;... ເມື່ອມີຮ່າງຝ່າຍກາຍສັນໃດ ແນ່ນອນກໍມີຮ່າງຝ່າຍຈິດວິນຍານສັນນັ້ນ. [1 ໂກລິນໂທ 15:40-44]

[ຄວາມ​ສຳຄັນ​ຂອງ​ສີໂອນ ທີ່​ຖືກ​ສ້າງ​ຕັ້ງ​ຂຶ້ນໂດຍ​ດາ​ວິດຝ່າຍຈິດ​ວິນ​ຍານ ຄືພະ​ເຢ​ຊູ ຜູ້ຊົງສະ​ເດັດ​ມາ​ເທື່ອ​ທຳ​ອິດ​ ​ແລະ ພະຄິດ ພະອັນຊັງໂຮງ ຜູ້ຊົງສະເດັດມາເທື່ອທີສອງ] ດັ່ງທີ່ພະເຈົ້າໄດ້ຊົງຈັດຕຽມເຮືອໄວ້ເປັນບ່ອນລີ້ໄພ ໃນສະໄໝຂອງໂນອາ ກ່ອນທີ່ຈະທຳລາຍໂລກດ້ວຍນ້ຳ, ພະເຈົ້າ ຜູ້ຊົງສະເດັດມາເປັນດາວິດຝ່າຍຈິດວິນຍານ ໄດ້ຊົງສ້າງຕັ້ງສີໂອນຝ່າຍຈິດວິນຍານ ຄືບ່ອນທີ່ປະຕິບັດຕາມເທດສະການຕ່າງໆຂອງພະເຈົ້າ ແລະ ຊົງສັ່ງມະນຸດຊາດໃຫ້ໜີໄປຍັງສີໂອນ ກ່ອນທີ່ພະອົງຈະຊົງພິພາກສາໂລກດ້ວຍ​ໄຟ​ ໃນ​ມື້​ສຸດ​ທ້າຍ​. [ສີໂອນ ທີ່ເຕັມດ້ວຍສຽງແຫ່ງຄວາມຊົມຊື່ນຍິນດີຫຼາຍໃນຄວາມຫວັງແຫ່ງສະຫວັນແມ່ນຢູ່ໃສ?] ຫຼັງຈາກພະເຢຊູຊົງສະເດັດຂຶ້ນສູ່ສະຫວັນ, ມານຮ້າຍໄດ້ພະຍາຍາມທໍາລາຍສີໂອນ ໂດຍການຍົກເລີກເທດສະການຕ່າງໆຂອງພະເຈົ້າ, ແຕ່ຕາມຄໍາທໍານວາຍ, ພະຄິດ ພະອັນຊັງໂຮງ ໄດ້ຊົງຟື້ນຟູເທດສະການສາມປາງເຈັດຊະນິດ ແລະ ມື້ພະ. ດັ່ງນັ້ນ, ຄິດສະຕະຈັກຂອງພະເຈົ້າ​ຈຶ່ງ​ເຕັມ​ໄປ​ດ້ວຍ​ສຽງແຫ່ງ​ຄວາມ​ຊົມຊື່ນຍິນດີຫຼາຍ ​ດ້ວຍ​ຄວາມ​ຫວັງ​ແຫ່ງ​ຄວາມພົ້ນຢູ່​ສະ​ເໝີ. “ເຮົາຈະໃຫ້ຄວາມເມດຕາຕໍ່ກຸງເຢລູຊາເລັມ ຕໍ່ຄົນທັງໝົດທີ່ຢູ່ໃນບ່ອນຮົກຮ້າງເພພັງນັ້ນ. ເຖິງວ່່າດິນແດນນັ້ນຈະເປັນຖິ່ນແຫ້ງແລ້ງກັນດານ ເຮົາກໍຈະໃຫ້ກາຍເປັນສວນອຸດທະຍານໄດ້ ຈາກພື້ນດິນແຫ້ງຂາດນໍ້າລໍ່ລ້ຽງໃຫ້ເກີດຜົນ ກໍຈະເປັນດັ່ງສວນເອເດນທີ່ເຮົາໄດ້ສ້າງໄວ້. ແລ້ວທີ່ນັ້ນກໍຈະມີຄວາມຊົມຊື່ນຍິນດີຫຼາຍ ມີທັງສຽງຮ້ອງລໍາທໍາເພງຍົກຍໍຂອບພະຄຸນດ້ວຍ.” [ເອຊາຢາ 51:3]

[ປັດສະຄາ ຄືຄວາມຈິງແຫ່ງຊີວິດນິລັນ ທີ່ມີພຽງແຕ່ຄອບຄົວຂອງພະເຈົ້າເທົ່ານັ້ນ ສາມາດປະຕິບັດຕາມໄດ້] ພະຄຳພີ​​ເປັນ​ພິຍານ​ວ່າ ​ທູດ​ສະຫວັນ​ທັງຫຼາຍໄດ້​ຖືກ​ໂຍນ​ລົງ​ມາ​ສູ່​ໂລກ​ນີ້ ເພາະພວກເຂົາ ຖືກ​ຊາຕານ​ລໍ້​ລວງ ແລະ ໄດ້​ເຮັດ​ບາບ​ຢູ່​ໃນ​ສະຫວັນ ນີ້ແມ່ນ​ເລື່ອງລາວ​ຂອງ​ມະນຸດຊາດ. ພະຄິດ ພະອັນຊັງໂຮງ ແລະ ພະເຈົ້າພະມານດາຊົງສະເດັດມາສູ່ແຜ່ນດິນໂລກນີ້ ແລະ ໄດ້ຊົງຕັ້ງເທດສະການປັດສະຄາແຫ່ງຄໍາສັນຍາໃໝ່ຂຶ້ນ ເພື່ອປະທານອະໄພການບາບ ແກ່ມະນຸດຊາດ ເພື່ອທີ່ພວກເຂົາຈະສາມາດກັບຄືນສູ່ບ້ານເມືອງແຫ່ງຈິດວິນຍານຂອງພວກເຂົາ ຄືອານາຈັກສະຫວັນທີ່ນິລັນໄດ້. [ເປັນ​ຫຍັງ​ພະເຈົ້າ​ຈຶ່ງຊົງ​ກ່າວ​ວ່າ ສິ່ງ​ຕ່າງໆ​ໃນໂລກ​ເປັນ​ການ​ລອກແບບ ແລະ​ ​ເງົາ​ຂອງ​ສິ່ງ​ທີ່​ຢູ່​ໃນ​ສະ​ຫວັນ?] ເຊັ່ນ​ດຽວ​ກັບ​ຄອບ​ຄົວຢູ່ໃນໂລກ​ກ່ຽວ​ພັນ​ກັນ​ດ້ວຍສາຍ​ເລືອດ, ຄອບ​ຄົວ​ແຫ່ງສະ​ຫວັນ ​ກໍ​ກ່ຽວ​ພັນ​ກັນ​ດ້ວຍສາຍ​ເລືອດ. ເພື່ອ​ຈະ​ກາຍ​ເປັນສະມາຊິກ​ຄອບຄົວແຫ່ງສະຫວັນ​ ໃນ​ຖານະ​​ລູກຂອງ​ພະເຈົ້າພະບິດາ ​ແລະ ​ພະເຈົ້າພະມານດາ ມະນຸດຊາດ​ຕ້ອງ​ກິນ ​ເຂົ້າຈີ່ປັດສະຄາ ແລະ ​ດື່ມ​ເຫຼົ້າ​ອະງຸ່ນ​ປັດສະຄາ​ ທີ່ເຮັດໃຫ້​ມີ​ສ່ວນ​ໃນພະກາຍ ແລະ ພະໂລຫິດຂອງ​ພະ​ເຈົ້າ. ​ມື້​ນີ້, ບັນດາສະມາຊິກ​​ຄິດສະຕະຈັກຂອງພະເຈົ້າ ​ໃນ 175 ປະ​ເທດ ໄດ້ປະຕິບັດຕາມເທດສະການປັດສະຄາ​ດ້ວຍຈິດໜຶ່ງ​ໃຈ​ດຽວກັນ. “ພາລະກິດທີ່ບັນດາປະໂລຫິດດໍາເນີນນັ້ນ ເປັນພຽງແຕ່ການລອກແບບ ແລະ ເງົາ ຂອງສິ່ງທີ່ຢູ່ໃນສະຫວັນເທົ່ານັ້ນ.” [ເຮັບເລີ 8:5] ພໍເຖິງເທດສະການເຂົ້າຈີ່ບໍ່ມີເຊື້ອແປ້ງ ເມື່ອມີການຂ້າແກະສໍາລັບອາຫານປັດສະຄາ... ແລ້ວພະອົງກໍຈັບເອົາເຂົ້າຈີ່ຂຶ້ນມາຂອບຄຸນພະເຈົ້າ. ເມື່ອພະອົງຫັກເຂົ້າຈີ່ນັ້ນແລ້ວ ຈຶ່ງຍື່ນໃຫ້ພວກສາວົກ ແລະ ກ່າວວ່າ “ນີ້ແຫຼະແມ່ນກາຍຂອງເຮົາ ເຊິ່ງເປັນເຄື່ອງບູຊາ ແກ່ພະເຈົ້າເພື່ອທ່ານທັງຫຼາຍ....” ເມື່ອກິນເຂົ້າແລ້ວ ພະອົງກໍຈັບເອົາຈອກຂຶ້ນມາ ແລະ ເຮັດຢ່າງດຽວກັນ ໂດຍກ່າວວ່າ “ຈອກນີ້ເປັນຄໍາໝັ້ນສັນຍາໃໝ່ຂອງພະເຈົ້າ ເຊິ່ງໃຊ້ເລືອດ ຂອງເຮົາປະທັບຕາ ຄືເລືອດທີ່ຫຼັ່ງໄຫຼເພື່ອທ່ານທັງຫຼາຍ.” [ລູກາ 22:7-20] ດັ່ງນັ້ນແຫຼະ ພວກທ່ານຄົນບໍ່ເປັນຢິວ ຈຶ່ງບໍ່ເປັນຄົນຕ່າງດ້າວອີກຕໍ່ໄປ; ບັດນີ້ພວກທ່ານເປັນພີ່ນ້ອງຮ່ວມພົນລະເມືອງກັບປະຊາຊົນຂອງພະເຈົ້າ ແລະ ເປັນສະມາຊິກໃນຄອບຄົວຂອງພະເຈົ້າ. [ເອເຟໂຊ 2:19]

[ແມ່ນ​ຫຍັງຄືສິ່ງ​ຟື້ນ​ຟູຝ່າຍຈິດ​ວິນ​ຍານ​ທີ່​ພະເຈົ້າໄດ້​ຊົງປະທານແກ່​ພວກ​ເຮົາ​ ​ ເພື່ອ​ເຮັດ​ໃຫ້​ພວກ​ເຮົາ​ປາຖະໜາໃນຄວາມ​ນິ​ລັນ​?] ເທດສະການກິນເຂົ້າຈີ່ບໍ່ມີເຊື້ອແປ້ງ ແມ່ນເທດສະການທີ່ພະເຢຊູຄິດ ໄດ້ຊົງແບກໄມ້ກາງແຂນ ແຫ່ງຄວາມທຸກທໍລະມານເພື່ອຄົນບາບທັງຫຼາຍ. ພະເຈົ້າໄດ້ຊົງ​ສອນ​​ວ່າ ເມື່ອ​ມະ​ນຸດ​ທັງ​ປວງ ຜູ້ເປັນຄົນ​ບາບ​ແຫ່ງ​ສະ​ຫວັນ ຕິດ​ຕາມ​ແບບ​ຢ່າງ​ຂອງ​ພະຄິດ, ແບກ​ໄມ້ກາງແຂນ​ຂອງພວກ​ເຂົາ ແລະ ຕິດ​ຕາມ​ຫົນ​ທາງ​ຂອງ​ພະຄິດ, ພວກເຂົາຈະ​​ສາ​ມາດ​ມີ​ຄວາມ​ປາ​ຖະ​ໜາໃນຄວາມ​ນິ​ລັນ ໂດຍ​ຜ່ານ​ຄວາມ​ທຸກ​ທໍ​ລະ​ມານ ແລະ ຍາກຄວາມ​ລຳ​ບາກໄດ້. [ບັນດາສະມາຊິກຕິດຕາມທາງຂອງພະຄິດ ພະອັນຊັງໂຮງ ແລະ ພະເຈົ້າພະມານດາ ຜູ້ທີ່ໄດ້ຊົງວາງແບບຢ່າງຂອງທາງແຫ່ງໄມ້ກາງແຂນ] ຜູ້ເຊື່ອຖື​ຂອງ​ຄິດສະຕະຈັກຕອນຕົ້ນ​ໄດ້​ຮັບ​ຮູ້​ວ່າ ມີ​ຊີວິດນິລັນ ​ຫຼັງ​ຈາກ​ຊີ​ວິດ​ຢູ່​ໃນໂລກ​ນີ້ ແລະ ໄດ້​ຮັບ​ເອົາ​ຄວາມ​ທຸກ​ທໍ​ລະ​ມານ, ຄວາມຍາກ​ລຳ​ບາກ ແລະ ການ​ຂົ່ມ​ເຫັງ​ທັງ​ໝົດ ດ້ວຍ​ຄວາມ ​ປາ​ຖະ​ໜາໃນຄວາມ​ນິ​ລັນ​. ກໍເຊັ່ນດຽວກັນ, ບັນດາສະມາຊິກຂອງຄິດສະຕະຈັກຂອງພະເຈົ້າ ໄດ້ຖວາຍຂອບພະຄຸນສໍາລັບທຸກສິ່ງທີ່ພວກເຂົາໄດ້ປະເຊີນຢູ່ໃນໂລກນີ້. ຂ້າພະເຈົ້າຮູ້ຈັກພາລະອັນໜັກໜ່ວງ ທີ່ພະເຈົ້າວາງໄວ້ເທິງມະນຸດ. ພະອົງໄດ້ຕັ້ງເວລາອັນເໝາະສົມໄວ້ສໍາລັບທຸກສິ່ງ. ພະອົງຢາກໃຫ້ມະນຸດຮູ້ຈັກອະດີດ ແລະ ອະນາຄົດ... [ປັນຍາຈານ 3:10-11] ເຫດສະນັ້ນ ພວກເຮົາຈຶ່ງບໍ່ທໍ້ຖອຍຈັກເທື່ອ... ຝ່າຍຄວາມທຸກລໍາບາກອັນເບົາບາງ ແລະ ຊົ່ວຄາວທີ່ພວກເຮົາທົນຢູ່ນີ້ ແມ່ນເພື່ອຕຽມພວກເຮົາສູ່ສະຫງ່າລາສີອັນຍິ່ງໃຫຍ່ ແລະ ຕະຫຼອດໄປຈົນຫາທີ່ປຽບບໍ່ໄດ້. [2 ໂກລິນໂທ 4:16-17]

[ເທດສະການແຫ່ງພັນທະສັນຍາເດີມເຮັດໜ້າທີ່ເປັນແວ່ນ ແລະ ເງົາຂອງສິ່ງທີ່ຈະເກີດຂຶ້ນ ໃນພັນທະສັນຍາໃໝ່] ເທດສະການກິນເຂົ້າຈີ່ບໍ່ມີເຊື້ອແປ້ງໃນພັນທະສັນຍາໃໝ່ ເປັນການລະນຶກເຖິງ ຄວາມຍາກລໍາບາກ ທີ່ປະຊາຊົນອິດສະລາເອນໄດ້ປະເຊີນເມື່ອ 3,500 ປີກ່ອນ; ຫຼັງ​ຈາກປະຕິບັດຕາມເທດສະການ​ປັດສະຄາ​ແລ້ວ, ພວກເຂົາ​ໄດ້​ອອກ​ຈາກ​​ເອຢິບ​ ໃນ​ມື້​ຕໍ່ມາ ແລະ​ ຜ່ານຜ່າ​ຄວາມຍາກ​ລຳບາກ​ຈົນກວ່າ​ຂ້າມ​ທະເລ​ແດງ. ສິ່ງ​ນີ້​ໄດ້ເຮັດໜ້າທີ່​ເປັນ​ເງົາ​ຂອງ​ຄວາມ​ເຈັບ​ປວດ ແລະ ການ​ເສຍ​ສະຫຼະ​ທີ່​ພະເຢຊູຄິດ ຈະ​ຕ້ອງປະເຊີນ; ຫຼັງຈາກປະຕິບັດຕາມເທດສະການປັດສະຄາແລ້ວ ພະອົງໄດ້ຊົງ ທຸກທໍລະມານ ແລະ ຖືກຄຶງທີ່ໄມ້ກາງແຂນໃນມື້ຕໍ່ມາ. [ສະມາຊິກ​​ຂອງຄິດສະຕະຈັກຂອງພະເຈົ້າໄດ້​ແບກ​ໄມ້​ກາງ​ແຂນ​ຂອງ​ຕົນ​ ຕາມແກ່ນແທ້ຂອງ​ແທ້ຂອງເທດສະການກິນ​ເຂົ້າ​ຈີ່​ບໍ່​ມີ​ເຊື້ອແປ້ງ.] ການຖືກປະຕິເສດ ແລະ ຖືກທໍລະຍົດຈາກບັນດາສາວົກທີ່ໄດ້ອ້າງວ່າ “ພວກຂ້າພະອົງຈະ ຕິດຕາມພະອົງໄປຈົນເຖິງຕາຍ.” ການຖືກຫົວເຍາະເຍີ້ຍ ແລະ ເຍີ້ນຫຍັນຈາກຜູ້ປໍລະປັກ ຢ່າງຫຼວງຫຼາຍ, ແລ້ວໃນທີ່ສຸດ ກໍຖືກຄຶງທີ່ໄມ້ກາງແຂນ, ນີ້ແມ່ນຄວາມທຸກທໍລະມານ ຂອງພະຄິດ ພະອັນຊັງໂຮງ ພະຜູ້ຊ່ວຍໃຫ້ພົ້ນໃນສະໄໝພະວິນຍານບໍລິສຸດ ທີ່ໄດ້ຊົງປະເຊີນ ເມື່ອ 2,000 ປີກ່ອນ. ດຽວ​ນີ້​ ເປັນ​ເວລາ​ທີ່​ພວກເຮົາຈໍາເປັນ​ຄວາມເຊື່ອ ທີ່ເຂົ້າໃຈ​ເຖິງ​ຄວາມ​ຮັກ​ຂອງ​ພະອົງ ​ແລະ ແບກໄມ້ກາງແຂນ​ຂອງ​ພວກເຮົາ​ເອງ. ແລ້ວ​ພະເຢຊູ​ກໍ​ກ່າວ​ແກ່​ພວກ​ສາວົກ​ວ່າ “ຖ້າ​ຜູ້ໃດຜູ້ໜຶ່ງຕ້ອງການມານໍາເຮົາ ໃຫ້ລາວເຊົາເຫັນແກ່ຕົວເອງແບກ​ໄມ້ກາງແຂນ​ຂອງຕົນ ​ແລະ ຕາມ​ເຮົາ​ໄປ. ເພາະ​ຜູ້ໃດກໍຕາມທີ່​ຢາກ​ຮັກສາ​ຊີວິດຂອງຕົນ​ໄວ້​ໃຫ້​ພົ້ນ ຈະ​ເສຍ​ຊີວິດ, ແຕ່​ຜູ້ໃດ​ກໍຕາມທີ່​ເສຍ​ຊີວິດ​ຂອງຕົນ​ເພື່ອ​ເຫັນ​ແກ່​ເຮົາ ກໍຈະ​ໄດ້​ພົບ​ຊີວິດ​ນັ້ນ. [ມັດທາຍ 16:24-25]

[ເປັນ​ຫຍັງ​ພະຄິດ ພະອັນຊັງໂຮງ ແລະ ​ພະເຈົ້າພະມານດາ ​ຈຶ່ງຊົງສັ່ງ​ສອນ​ວ່າ​ ພະ​ຂໍ້ຄໍາສັ່ງຂອງ​ພະ​ເຈົ້າ​ແມ່ນສຳຄັນ?] ສໍາລັບ​​ແກະ​ທີ່​ເສຍ​ໄປຄົນ​ລ້ຽງ​ແກະແມ່ນສຳຄັນຫຼາຍ​ກວ່າ​ກະສັດ ແລະ ​ນ້ຳ​ກໍມີ​ຄຸນຄ່າ​ຫຼາຍ​ກວ່າ​ຄຳ​ໃນທະເລຊາຍ. ຄຸນ​ຄ່າ​ຂອງ​ພະ​ຂໍ້ຄໍາສັ່ງຂອງ​ພະ​ເຈົ້າ​ຈະ​ຖືກ​ເປີດ​ເຜີຍ ເມື່ອ​ມະ​ນຸດ​ຊາດ​ຢືນ​ຢູ່​ຊ້ອງໜ້າ​ບັນ​ລັງ​ພິ​ພາກ​ສາ​ຂອງ​ພະ​ເຈົ້າ. ນີ້​ກໍ​ຍ້ອນ​ວ່າ​ ສະ​ຫວັນ ​ແລະ ນະລົກໄດ້​ຖືກ​ກໍາ​ນົດ​ໂດຍ​ອີງ​ໃສ່​ວ່າ​ ​ ຄົນນັ້ນໄດ້​ປະຕິບັດຕາມ​ພະ​ບັນ​ຍັດ​ຂອງ​ພະ​ເຈົ້າຫຼືບໍ່. [ເປັນຫຍັງຄິດສະຕະຈັກຂອງພະເຈົ້າຈຶ່ງປະຕິບັດຕາມປັດສະຄາ, ພະຂໍ້ຄໍາສັ່ງຂອງພະເຈົ້າ?] ເນື່ອງ​ຈາກ​ວ່າ​ ອານາຈັກ​ສະຫວັນ​ເປັນ​ບ່ອນ​ທີ່​ຄົນ​ບາບ​ບໍ່ສາມາດ​ເຂົ້າ​ໄປ​ໄດ້ ​ຈຶ່ງ​ຈຳ​ເປັນ​ທີ່ພວກ​ເຂົາ​ຕ້ອງໄດ້​ຮັບ​ອະໄພການ​ບາບ​ຂອງພວກ​ເຂົາ​. ພະເຈົ້າ​ໄດ້​ຊົງສັນ​ຍາ​ວ່າ​ ຈະ​ໃຫ້​ອະ​ໄພ​ບາບ​ດ້ວຍ​ເລືອດທີ່ລໍ້າ​ຄ່າ​ຂອງ​ພະຄິດ ​ໂດຍ​ຜ່ານ​ປັດສະຄາຄໍາໝັ້ນ​ສັນ​ຍາ​ໃໝ່. ດັ່ງນັ້ນ, ເຊັ່ນດຽວກັນກັບກັບດາວິດ, ມະນຸດຈະຕ້ອງມີຄວາມເຊື່ອໃນພະສັນຍາຂອງພະເຈົ້າ ແລະ ຮັກພະຂໍ້ຄໍາສັ່ງຂອງພະອົງ. ຂ້າພະອົງຮັກພະຂໍ້ຄໍາສັ່ງກວ່າຮັກເງິນຄໍາ ຮັກພະຂໍ້ຄໍາສັ່ງອີຫຼີຫຼາຍກວ່າຄໍານໍ້າໜຶ່ງ. [ເພງສັນລະເສີນ 119:127] ‘ອາຈານບອກວ່າ: ເວລາຂອງເຮົາໃກ້ເຂົ້າມາແລ້ວ; ພວກສາວົກຂອງເຮົາກັບເຮົາຈະສະຫຼອງປັດສະຄາທີ່ບ້ານຂອງເຈົ້າ.’ ພວກສາວົກກໍປະຕິບັດຕາມທີ່ພະເຢຊູໄດ້ບອກພວກຕົນ ແລະ ໄດ້ຈັດແຈງ ອາຫານປັດສະຄາ... “ພວກທ່ານທຸກຄົນຈົ່ງດື່ມເຖີດ ນີ້ແຫຼະແມ່ນເລືອດຂອງເຮົາ ເຊິ່ງຫຼັ່ງໄຫຼອອກສໍາລັບຄົນເປັນອັນມາກ ເພື່ອການບາບຈະໄດ້ຮັບອະໄພ. ພະເຈົ້າປະທັບຕາຄໍາໝັ້ນສັນຍາຂອງພະອົງດ້ວຍເລືອດນີ້. [ມັດທາຍ 26:18-28]