ເຄື່ອງມືແຫ່ງລິດອໍານາດຂອງພະເຈົ້າ ການອະທິຖານ

[ບັນດາສາວົກໄດ້ຮູ້ຈັກວິທີສວມໃສ່ລິດອໍານາດຂອງພະເຈົ້າ ຜ່ານວັນສະເດັດຂຶ້ນສູ່ສະຫວັນ]

ບັນດາສາວົກ ຜູ້ທີ່ໄດ້ເຫັນການສະເດັດຂຶ້ນສູ່ສະຫວັນຂອງພະເຢຊູ ຈາກພູໝາກກອກເທດ
ໄດ້ເຂົ້າໃຈວ່າ ຖ້າປາສະຈາກການສວມໃສ່ພະວິນຍານບໍລິສຸດຂອງພະເຈົ້າ ຂ່າວປະເສີດ
ຈະບໍ່ສາມາດຖືກປະກາດໄປທົ່ວໂລກໄດ້. ດັ່ງນັ້ນ, ພວກເຂົາຈຶ່ງອະທິຖານຢ່າງໃຈຈົດຈໍ່
ເປັນເວລາສິບມື້ ຕັ້ງແຕ່ວັນສະເດັດຂຶ້ນສູ່ສະຫວັນ ຈົນເຖິງເທດສະການເພັນເຕກັອດ ໂດຍຂໍພະວິນຍານບໍລິສຸດຝົນຕົ້ນລະດູ.

[ເປັນ​ຫຍັງບັນດາສະມາຊິກຂອງ​ຄິດສະຕະຈັກຂອງພະເຈົ້າ ​ຈຶ່ງ​ອະ​ທິ​ຖານ​ຢ່າງ​​ໃຈ​ຈົດຈໍ່
ຕັ້ງແຕ່ວັນສະເດັດຂຶ້ນສູ່ສະຫວັນ ຈົນເຖິງ​ເທດສະການເພັນເຕກັອດ?]

ເມື່ອເອລີຢາໄດ້ເອົາຊະນະຜູ້ປະກາດພະຄໍາປອມ 850 ຄົນຢູ່ທີີ່ເທິງພູກາເມນນັ້ນ,
ການອະທິຖານໄດ້ເກີດຂຶ້ນກ່ອນໄຊຊະນະ. ພະ​ເຢ​ຊູ, ພະອັນຊັງໂຮງ ແລະ ພະເຈົ້າ
ພະມານດາ ຜູ້ຊົງ​ສະ​ເດັດ​ມາ​ສູ່​ໂລກ​ນີ້ ​ເພື່ອ​ຄວາມພົ້ນ​ຂອງ​ມະ​ນຸດໄດ້ຊົງວາງແບບ​ຢ່າງ
​ໂດຍ​ການ​ເລີ່ມ​ຕົ້ນ​ວຽກ​ງານ​ແຫ່ງ​ຂ່າວປະເສີດ​ ​ດ້ວຍ​ການ​ອະ​ທິ​ຖານ​ແຕ່​ເຊົ້າມືດ​ທຸກໆ​ມື້.
ສະນັ້ນ, ບັນດາສະມາຊິກ​ຂອງ​ຄິດສະຕະຈັກຂອງພະເຈົ້າກໍເຊັ່ນ​ກັນ ໄດ້ເລີ່ມ​ຕົ້ນມື້ໃໝ່​
ໂດຍການຮັບ​ຄວາມ​ເຂັ້ມ​ແຂງ​ຝ່າຍຈິດວິນ​ຍານ​ ຜ່ານ​ການ​ອະທິຖານ.

“ຈົ່ງຂໍ ແລະ ພວກທ່ານກໍຈະໄດ້ຮັບ; ຈົ່ງຊອກຫາ ແລະ ພວກທ່ານກໍຈະໄດ້ພົບ;
ຈົ່ງເຄາະ ແລະ ຈະໄດ້ມີຜູ້ໄຂປະຕູໃຫ້ພວກທ່ານ. ດ້ວຍວ່າທຸກໆຄົນທີ່ຂໍກໍຈະໄດ້ຮັບ;
ຜູ້ໃດຜູ້ໜຶ່ງທີ່ຊອກຫາກໍຈະໄດ້ພົບ; ແລະ ຜູ້ໃດທີ່ເຄາະກໍຈະໄດ້ມີຜູ້ໄຂປະຕູໃຫ້.
[ມັດທາຍ 7:7-8]

ສະນັ້ນແຫຼະ ເຮົາຈຶ່ງບອກພວກທ່ານວ່າ: ເມື່ອພວກທ່ານອ້ອນວອນຂໍສິ່ງໃດສິ່ງໜຶ່ງ
ຈົ່ງເຊື່ອວ່າພວກທ່ານໄດ້ຮັບແລ້ວ ແລະ ສິ່ງນັ້ນກໍຈະເປັນຂອງພວກທ່ານ.
[ມາລະໂກ 11:24]