Ka Tiar jong ka Bor U Blei, Ka Jingduwai

Ki Synran ki La Sngewthuh Kumno ban Shah Pynkup Da ka Bor U Blei Lyngba Ka Sngi ka Jingkiew

Ki synran, kiba la sakhi ia ka jingkiew noh U Jisu na u lum ki Olib,
ki la sngewthuh ba khlem da shah pynkup da U Mynsiem Bakhuid jong U Blei,
ka gospel yn ym lah ban ialap ha baroh kawei ka pyrthei.
Kumta, ki la duwai shitrhem 10 sngi naduh Ka Sngi ka Jingkiew haduh Ka Sngi Pentekost,
ki da pan ia U Mynsiem Bakhuid jong u lapbah bakhatduh.

Balei ki Dkhot jong ka Balang U Blei ki Duwai Shitrhem
Naduh Ka Sngi ka Jingkiew haduh Ka Sngi Pentekost?

Haba u Elijah u la jop ia ki 850 ki nongiathuhlypa balamler ha u lum Karmel, ka jingduwai ka long shuwa ka jingjop.
U Jisu, U Khrist Ahnsahnghong, bad Ka Blei Ka Kmie, kiba la wan sha kane ka pyrthei na ka bynta ka jingpynim jong u khun bynriew,
ki la ai ka rukom da kaba sdang ia ka kam gospel jong Ki lem bad ki jingduwai mynstep eh man la ka sngi.
Kumta, ki dkhot jong ka Balang U Blei ruh, ki sdang ia ka sngi jong ki,
ki da ioh ka bor bakynja mynsiem lyngba ka jingduwai.

To pan, te yn sa ai ha phi; to wad, te phin sa shem;
to tied, te yn sa plie ia phi.
Naba baroh uba pan u pdiang; bad uba wad u shem;
bad ia uba tied yn plie.
Mathaios 7:7–8

Namar kata nga ong ha phi, ba kiei kiei baroh kat kiba phi pan, haba phi kyrpad,
to ngeit ba phi pdiang ia kita, te phin sa ioh.
Markos 11:24