Ka Jingbuhrieh sha ka Jingkmen & ka Hima ki Bneng

Ka Jingbym Kmen Bad ka Jingkmen ka Sdang Da ki Jingmut, Kumta Ngi Dei ban Ialeh ban Kmen

Haba ngi mad ki jingtynjuh, ki jingjynjar, bad ka jingkit bakhia jong ka diengphna ha ka lynti ka jingngeit, kita kiba niew ia kine ki jingeh kum ka jingshitom, ki da pyrkhat, “Nga long uba sniewbok,” kin ym kmen shisha, hynrei kita kiba sngewthuh ia ki jingkyrkhu bad kiba ainguh ha kine ki jinglong kin shem ka jingkmen bad kin leit bsut ha ka hima ki bneng.

Ki Dkhot ka Balang U Blei ki la Shem ka Jingkmen ha ka Jingshisha jong ka Jutang Bathymmai

U Khrist Ahnsahnghong bad Ka Blei Ka Kmie ki iaong, “To phin leh kmen ha la ka sngi, bad ai ka jingnguh ha kaei kaei baroh,” bad ki hikai ia ngi ban im ka jingim kaba sngewhun namar ka jingkhwan pyrthei ka pynlong ka jingpynshoi bad ka jingsngewsih. Ki hikai ia ngi ban pynmlien ia lade sha ka jingriewblei da kaba pynkylla ia ka jinglong basniew sha ka jingkmen.

To phin leh kmen ha la ka sngi. To duwai khlem da pud. Ha kaei kaei baroh to phin ai ka jingnguh:
namar kane kein ka long ka mon U Blei ha U Khrist Jisu sha phi.
1 Sha Ki Thessaloni 5:16–18

Suk uta u briew uba iaishah ia ka jingtynjuh: naba haba la tynjuh ia u, un ioh diang ia kata ka pansngiat ka jingim, ia kaba U Trai u la kular ha kita kiba ieit ia u . . . Hynrei la pynshoi ia uwei pa uwei baroh haba la ring pah ia u da ka jingkwah brai la ka jong hi, bad haba la riam ia u. Ynda kumta kata ka jingkwah brai, haba ka la pun, ka kha ia ka pop; te kata ka pop, haba ka la san, ka kha ia ka jingiap kein.
U Jakob 1:12–15