Tongthokmungni Huijak Kόk tei Kaitorni Ha

Khá Khamma Tei Tongthokma Mungnwi Nwino Uansukmani Se Chengjago, Aboni Bagwino Chwng Tongthok Nani Bagwi Ma Chaitoknai.

Chini poitoni lama-o chwng, amjokmungrok, tektorogo klai phuru, tei krusni poja hilik ma hor phuru, “Ani kwpal hamya,” hwnwi uansugwi o kebengmungno tekto hwnwi rommwi nanai bororok sόino belai khá khamjaknai, phiya ba hamarirokno buchinai tei o tonghalokrogo hambai rwnai bororok khe tongthokmungno mannai tei chuknoha-o habwi mannai.

Kaitorni Mothani Adongrok Swmai Kwtalni Kubui-o Tongthokmungno Manno.

Khristo Ahnsahnghong tei Ama Kaitor hai hwnwi sa kha, “Norok tongthok máng tong di. Bebago’-no hambai rw di,” tei khá kochomwi tongnani bagwi chwngno phrwng kha tamni hwn khe swngcharni muchungmani abo chwngno belogo tei khá hamya wng rw-o.

Norok tongthok máng tong di. Suri san máng tong di. Bebago’-no hambai rw di. Khristo Jisu bai tongwi norok omo hai kheno wng thung hwnwi Kaitor muchungjago.
1 Thesaloniki 5:16-18

Potalijagwi kwchanai borok bo hamchajak, tamni hwn ba bo potalijagwi kwcha khe Kaitor bono hamjaknairokno rwna hwnwi kók rwmani a langmani motokno man anw. 13Khoroksa swk potalijagwi belokjak khe bo “Kaitor ano belogo,” hwnwi ta hwn thung. Tamni hwn ba Kaitor hamya bai belokjagwi man ya, phiya bo sakphangbo khoroksano phano belok ya. Tamo khe khoroksa swk sakni hamya muchungma bai sotonjagwi khẃi-o kwcha khe a borok belokjago. 15Hakhe bini a hamya muchungma ogo chu-ui sumsokno bá-o; a sumsok tor khe lok khe borokno butharo.
Jakob 1:12-15