ເຄັດລັບສູ່ຄວາມສຸກ ແລະ ອານາຈັກສະຫວັນ

[ທັງ​ຄວາ​ມ​ທຸກ ແລະ ຄວາມ​ສຸກ​ເລີ່ມ​ຕົ້ນ​ດ້ວຍ​ຄວາມ​ຄິດ, ດັ່ງ​ນັ້ນ ພວກ​ເຮົາ​ຕ້ອງ​ເຝິກ​ໃຫ້​ມີ​ຄວາມ​ສຸກ.]

ເມື່ອ​ພວກ​ເຮົາ​ພົບ​ການ​ທົດ​ລອງ, ຄວາມ​ທຸກ​ຍາກ​ລຳ​ບາກ ແລະ ພາ​ລະ​ໜັກ​ແຫ່ງ​ໄມ້​ກາງ​ແຂນ​ໃນ​ທາງ​ແຫ່ງ​ຄວາມ​ເຊື່ອ​ຂອງ​ພວກ​ເຮົາ, ບັນ​ດາ​ຜູ້​ທີ່ຖືວ່າ ​ຄວາມ​ຍາກ​ລຳ​ບາກ​ເຫຼົ່າ​ນີ້​ເປັນ​ຄວາມ​ທຸກ ໂດຍ​ຄິດ​ວ່າ: “ຂ້ອຍ​ໂຊກ​ຮ້າຍ”
ກໍ​ຈະ​ບໍ່​ມີ​ຄວາມ​ສຸກ​ຢ່າງ​ແທ້​ຈິງ, ແຕ່​ບັນ​ດາ​ຜູ້​ທີ່ຄໍານຶງເຖິງ​ພະ​ພອນ​ຕ່າງໆ ແລະ ຂອບ​ພະ​ຄຸນ​ໃນ​ທຸກ​ສະຖານະການ​ການ​ເຫຼົ່າ​ນີ້ ກໍ​ຈະ​ພົບ​ຄວາມ​ສຸກ ແລະ ເຂົ້າສູ່​ອາ​ນາ​ຈັກ​ສະ​ຫວັນ​ໄດ້.

[ບັນ​ດາ​ຜູ້​ເຊື່ອ​ຖື​ໃນ​ຄິດ​ສະ​ຕະ​ຈັກ​ຂອງ​ພະ​ເຈົ້າ ພົບ​ຄວາມ​ສຸກ​ໃນ​ຄວາມ​ຈິງ​ແຫ່ງ​ຄຳ​ໝັ້ນ​ສັນ​ຍາ​ໃໝ່.]

ພະ​ຄິດ​ອັນ​ຊັງ​ໂຮງ ແລະ ພະ​ເຈົ້າ​ພະ​ມານ​ດາ​ຊົງ​ກ່າວ​ວ່າ: ຈົ່ງ​ຊົມ​ຊື່ນ​ຍິນ​ດີ​ຢູ່​ສະ​ເໝີ ແລະ ຂອບ​ພະ​ຄຸນ​ໃນ​ທຸກ​ສ​ະ​ພາບ​ການ ແລະ ຊົງສັ່ງ​ສອນ​ພວກ​ເຮົາ​ໃຫ້​ດຳ​ເນີນ​ຊີ​ວິດດ້ວຍ​ຄວາມ​ພຶງ​ພໍ​ໃຈ ເພາະ​ວ່າ ​ຄວາມ​ໂລບ​ທາງ​ໂລກ​ສ້າງ​ການ​ທົດ​ລອງ ແລະ ຄວາມ​ທຸກ. ພະ​ອົງ​ຊົງ​ສັ່ງ​ສອນ​ພວກ​ເຮົາ​ໃຫ້​ເຝິກ​ຝົນ​ຕົນ​ເອງ​ໃຫ້​ເປັນ​ຄົນຢໍາເກງພະເຈົ້າ ໂດຍ​ການປ່ຽນ​ແ​ປງ​ສະ​ຖາ​ນະ​ການທີ່ບໍ່​ດີ​ໃຫ້​ເປັນ​ພະ​ລັງ​​ແຫ່ງ​ຄວາມ​ສຸກ.

ຈົ່ງຊົມຊື່ນຍິນດີຢູ່ສະເໝີ ຈົ່ງອ້ອນວອນຢູ່ທຸກເວລາ ຈົ່ງຂອບຄຸນພະເຈົ້າໃນທຸກສະພາບການ.
ນີ້ແຫຼະແມ່ນສິ່ງທີ່ພະເຈົ້າຕ້ອງການ ໃນຊີວິດຂອງພວກເຈົ້າທີ່ຮ່ວມເຂົ້າກັບພະຄິດ.
[1 ເທຊະໂລນິກ 5:16–18]

ຄວາມສຸກເປັນຂອງຄົນທີ່ຄົງຢູ່ຢ່າງສັດຊື່ຕໍ່ການທົດລອງ ເພາະເມື່ອລາວຜ່ານການທົດລອງໄດ້ແລ້ວ
ລາວຈະໄດ້ຮັບບໍາເໜັດຄື: ຊີວິດທີ່ພະເຈົ້າໄດ້ສັນຍາໃຫ້ແກ່ຜູ້ທີ່ຮັກພະອົງ... ແຕ່ທີ່ບຸກຄົນໜຶ່ງຖືກລໍ້ລວງ ກໍຕໍ່ເມື່ອຄວາມປາຖະໜາຊົ່ວຊັກຈ່ອງ ແລະ ຍົວະເຍົ້າໃຫ້ປະຕິບັດຕາມ.
ຄັນຄວາມປາຖະໜາຊົ່ວຂອງລາວຕັ້ງຮາກແລ້ວກໍໃຫ້ເກີດມີບາບ; ເມື່ອບາບໃຫຍ່ຂຶ້ນເຕັມຂະໜາດແລ້ວ ກໍໃຫ້ເກີດມີຄວາມຕາຍ.
[ຢາໂກໂບ 1:12–15]