Chwng Samani Bebak Kόkthái Bai no Chwng Buj Thumjaknai Hwnwi Kaitor Sa-o.
Uansuk yaui kόk samani bagwi Esau tei Judas Iskariot hamarirok keplejak kha, tei poito bai kόk samani bagwi yagra bwkhakni a sikhok tei Danielni bikiching khoroktham song Kaitorni aroni hamari man kha, abo beglaiwi kwchar kha.
Chini bukhúkni ongkhorwi phai mani kόkrok tei kwmaui tháng ya phiya Buj Thummani Salo chini saka-o se kiphilwi phai-o, aboni bagwi chwng kόk sanani swkang kaham khe uansugwi nai di hwnwi tei doui ta joli di hwnwi salbrúmno Kaitor chwngno phrwng kha.
Kaitorni Mothani Adongrok, Bόrok Wng Kha Chuknohani Sumsok Gwnangrok se Hwnwi Buchiui, Bebagono Khátungmani bai khe Smaung Khlai-o.
Chwng sumsok khlai mani bagwi o ha-o thikhlaiwi rohorjak kha hwnwi chwng buchiui man khe, chwng mungsa-o phano kha thwi glak. Hai wng yaui, Phola Kwtharni o molo phainai Khristo Ahnsahnghong tei Ama bai chwng tongwi manmani kubui kόkni bagwi, Kaitorni phrwngmungrokno swrwngwi bebagono hambai rwui tei kόk kaham saui chwng kaisa hamchajak langma-o tongwi manno.
Ani khájani takhukrok o kókno si di. Jotono khna thani khunju kwkrwk wngthai, sa thani khe búkhúk hilik wngthai, doui joli thai kwrwi. Borok jolima bai Kaitorni samung kaham wng ya . . . Bini kók khnama bai simi wng kha hwnwi lama ta koró di. Hai wng yaui bini kók sama tẃi se tong di . . . abono pok yaui abo hai khe’-no tongnai borok bo se bini samungo hamchanai.
Jakob 1:19-25
- আগের তারিখ
- 2022. 10. 21
- সহানুভূতি
- 0
