Chwng Sabono Jotoni Slái Hambai Rwnani Nangnai?

Chwng bai Baibelni Bebak Nayakrok Sabono Belai Khe Hambai Rw Thai Klai?

Israilrok Ijip ha’-o seleng tongmani yók kha tei Kanan man kha, yókjakni ha.
Teibo, Josua Israilno kwplai khlai di hwnwi suri sanma bai sal tal thak kha.
Kaitor Chonghor Polno nakarmani bagwi tei bono Chuknoha’-o tẃimani bagwi
bó hambai rw kha. Kaitorno poito khlainairok thani tamo manwirok tei
Kaitor bórokno chubaui máng tongo hwnwi omorok bebakno chwngno phunugo.

Kaitorni Mothani Adongrokno Sumsok Nakarmani tei
Mwthangmani bagwi Bórok Kaitorno Hambai Rw’-o.

O swngcharobo haino, chwng khoroksa swkno hambai rwmano kiphilwi su phiro.
Aboni bagwi, chwngno torwi lok rwui tong Khristo Ahnsahnghong bai
Ama Kaitorni khairokma bai hamjakmano chwngbo khá kaui man thai,
jora-jora’-o phan bai jora-jora’-o kol bai, chwngno Kaitorni Ha’-o tlangna bagwi.

Takhukrok, norok Subrai bai hamjaknairokni bagwi chwng Kaitorno hambai rwui máng ma tongo.
Tamni hwn ba Pholani phan bai phiya norok kubuino poito khlaima bai Kaitorni
borok kwthar khlaina bagwi norok’-no puila mwthangjak granai hwnwi Kaitor norokno chong kha.
2 Thesaloniki 2:13

Hakhe omo tẃini bagwibo chwng Kaitorno sal brúm brúm hambai rw-o,
Kaitorni aroni kókno chwng norokni thani tubu phuru norok
abono borokni aroni hwn yaui Kaitorni aroni kók hwnwi khna kha,
hakhe khá’-obo chop kha, abo Kaitorni aroni kók’-no ba. . . .
1 Thesloniki 2:13