ଆବୁକେ ଅକୟାଃ ନାଗେନ୍ତେ ପୁରାଃ ହୁଡ଼଼ିଙ୍ଗେନ୍ ହବାଅ ଲାଗାତିଙ୍ଗା?

ଆବୁ ଅଡ଼ଃ ଧାରାମ୍ ପୁଥିରେନ୍ ସୋବେନ୍ ହିରୋ କକେ ଅକୟାଃନାଂ ମାଇନ୍ ହବାଃଅ ଲାଗାତିଙ୍ଗା?

ଇସ୍ରାଏଲ୍ କ ମିସାର୍ ରାଃ ଦାସି ତେକ ରାଲାୟାନା ଅଡ଼ଃ ଇନ୍‌କୁତାଃରେ କା ଦାସିୟାନ୍ ଅତେ କାନାନ୍ ତାଇକେନା।
ଏନାଲଃତେ, ଇସ୍ରାଏଲ୍ କୱାଃ ଜିନିତାଅ ନାଗେନ୍ତେ ୟାହାଶୁଗାଃ ବିନ୍ତିରାଃ ହୋରାତେ ସିଙ୍ଗି ଚାଣ୍ଡୁଃକିନ୍ ତିଙ୍ଗୁଲେନା। ପ୍ରେରିତ୍ ପାଉଲୁସ୍ ଇନି ଆୟାଃ ଛାମା ନାଂଙ୍ଗ୍ ଅଡ଼ଃ ସିର୍ମାରେ ଆଗୁୱାଇ ନାଂନ୍ତେ ପାର୍‌ମେଶ୍ୱାର୍‌ରାଏ ମାଇନ୍ କିଈୟା। ନେୟା ସୋବେନ୍ ଜନକା ଆବୁକେ ଉଦୁବ୍ ନାଂଙ୍ଗ୍ ଚି ଏନ୍ ହଡ଼କ ନେୟାକ ମାନାତିଙ୍ଗ୍ ତାନା ଚି ପାର୍‌ମେଶ୍ୱାର୍‌ ସୋବେନ୍ ଇମ୍‌ତାଙ୍ଗ୍ ଇନ୍‌କୁଇ ଦେଙ୍ଗାକ ତାନା ନେୟା ମାଇନଃ ରେୟାଃ ବିସାଏ ତାନାଃ।

ପାର୍‌ମେଶ୍ୱାର୍‌ରାଃ କାଲିସିୟାରେନ୍ ହାଗା ମିସିକ ପାପ୍ ଛାମା ଅଡ଼ଃ ଦୁନୁଃ ଏମଃ
ନାଂଙ୍ଗ୍ ପାର୍‌ମେଶ୍ୱାର୍‌କ ମାଇନି ତାନା

ନେ ଅତେଦିସୁମ୍‌ ରେୟଗି, ମିୟାଦ୍ ଏନ୍ ଲେକାନ୍ ହଡ଼କେ, ଅକନିଃତାରେବୁ ମାଇନଃୱା, ଏମ୍ ରୁୱାଡ଼ାଇ ଲାଗାତିଙ୍ଗା।
ଏନାନାଗେନ୍ତେ, ଆବୁକେ ମାସି ଆନ୍ ସାଙ୍ଗ୍ ହଙ୍ଗ୍ ଅଡ଼ଃ ଏଙ୍ଗା ପାର୍‌ମେଶ୍ୱାର୍‌ରାଃ ଆନୁଗ୍ରାକେୟ ଉଡ଼ୁଃଇ ଲାଗାତିଙ୍ଗା ଚି ଆବୁକେ ସିର୍ମାରାଃ ରାଇଜ୍‌ରେ ଇଦିବୁ ନାଂନ୍ତେ ମିସା-ମିସା କାଠର୍‌ଲଃତେ ଅଡ଼ଃ ମିସା-ମିସା ଲେବେଃ ଲଃତେ କିନ୍ ଇଦାବୁ ତାନା।

... ପାର୍‌ମେଶ୍ୱାର୍‌ ମୁନୁଏତେ ଆତ୍ମାଃ ହୋରାତେପେ ପାବିତାରଃକା ଆର୍
ସାର୍ତିରେପେ ବିଶ୍ୱାସେକା ମେନ୍ତେ ଦୁଗଃ ନାଗେନ୍ତେ ସାଲାକେଦ୍ ପେୟା,
ଏନା ମେନ୍ତେ ଆଲେ ଆପେନାଂଙ୍ଗ୍ ଜାନାଅ ପାର୍‌ମେଶ୍ୱାର୍‌ ଜହାରି ଲାଗାତିଙ୍ଗା।
2ଥିସ୍‌ଲନି 2:13

ନେୟା ନାଗେନ୍ତେୟ ପାର୍‌ମେଶ୍ୱାର୍‌ଲେ ଜହାରିତାନା,
ହେଗେ ପାର୍‌ମେଶ୍ୱାର୍‌ରାଃ କାଜି ଆଲେତେପେ ତେଲାକେଦା ଇମ୍‌ତାଙ୍ଗ୍ ଗେପେ ସୁକୁୱାଦା,
ହଡ଼କୱାଃ କାଜି ଲେକାଦ କା ମେନ୍ଦ ପାର୍‌ମେଶ୍ୱାର୍‌ରାଃ କାଜିଲେକା,
ଆର୍ ସାର୍ତିଗେ ଏନା ନେଲେକାଗେୟା...
1ଥିସ୍‌ଲନି 2:13