ಆಶೀರ್ವಾದಗಳನ್ನು ತರುವ ಮಾತುಗಳು

ನಾವು ಆಡಿದ ಪ್ರತಿಯೊಂದು ಮಾತಿನ ಪ್ರಕಾರ ನಾವು ನಿರ್ಣಯಿಸಲ್ಪಡುತ್ತೇವೆ ಎಂದು ದೇವರು ಹೇಳುತ್ತಾರೆ

ಏಸಾವನು ಮತ್ತು ಇಸ್ಕರಿಯೋತ ಯೂದನು ಅವರು ಆಡಿದ ಅಸಡ್ಡೆ ಮಾತುಗಳಿಂದ ಆಶೀರ್ವಾದವನ್ನು ಕಳೆದುಕೊಂಡರು ಮತ್ತು ಬಲಡೆಯಲ್ಲಿದ್ದ ಕಳ್ಳನು ಮತ್ತು ದಾನಿಯೇಲನ ಮೂವರು ಸ್ನೇಹಿತರು ನಂಬಿಕೆಯಿಂದ ಹೇಳಿದ ಮಾತುಗಳಿಂದ ದೇವರಿಂದ ತುಂಬಿ ತುಳುಕುವ ಆಶೀರ್ವಾದಗಳನ್ನು ಪಡೆದರು.
ನಮ್ಮ ಬಾಯಿಂದ ಹೊರಡುವ ಮಾತುಗಳು ಎಂದಿಗೂ ಕಣ್ಮರೆಯಾಗದೆ ನ್ಯಾಯತೀರ್ಪಿನ ದಿನದಂದು ನಮಗೆ ಹಿಂತಿರುಗುವದರಿಂದ, ನಾವು ಮಾತನಾಡುವ ಮೊದಲು ಅನೇಕ ಬಾರಿ ಯೋಚಿಸಲು ಮತ್ತು ಕೋಪಗೊಳ್ಳಲು ನಿಧಾನವಾಗಿರಲು ದೇವರು ಯಾವಾಗಲೂ ನಮಗೆ ಕಲಿಸುತ್ತಾರೆ.

ಚರ್ಚ್ ಆಫ್ ಗಾಡ್ ಸದಸ್ಯರು ಅವರು ಸ್ವರ್ಗದಿಂದ ಬಂದ ಪಾಪಿಗಳು ಎಂದು ಗ್ರಹಿಸಿಕೊಂಡು ಎಲ್ಲದಕ್ಕೂ ಕೃತಜ್ಞತೆಯಿಂದ ಜೀವಿಸುತ್ತಾರೆ

ನಾವು ಪಾಪ ಮಾಡಿದ್ದರಿಂದ ಪರಲೋಕದಿಂದ ದೊಬ್ಬಲ್ಪಟ್ಟಿದ್ದೇವೆ ಎಂದು ನಾವು ಗ್ರಹಿಸಿಕೊಂಡರೆ, ನಾವು ಯಾವುದರಲ್ಲೂ ನಿರಾಶೆಗೊಳ್ಳುವುದಿಲ್ಲ. ಬದಲಾಗಿ, ನಾವು ಕೃತಜ್ಞರಾಗಿರುವದರ ಮೂಲಕ ಮತ್ತು ದೇವರ ಬೋಧನೆಗಳನ್ನು ಅನುಸರಿಸುವ ಮೂಲಕ ಒಳ್ಳೆಯದನ್ನು ಹೇಳುವುದರ ಮೂಲಕ ನಾವು ಆಶೀರ್ವದಿಸಬಹುದಾದ ಜೀವನವನ್ನು ನಡೆಸಬಹುದು, ಏಕೆಂದರೆ ನಾವು ಪವಿತ್ರಾತ್ಮನ ಕಾಲದಲ್ಲಿ ಬಂದಿರುವ ಕ್ರಿಸ್ತ ಅನ್ ಸಂಗ್ ಹೊಂಗ್ ಮತ್ತು ತಾಯಿ ದೇವರೊಂದಿಗೆ ಇರಬಹುದು.

ನನ್ನ ಪ್ರಿಯ ಸಹೋದರರೇ, ನೀವು ಬಲ್ಲವರು. ಆದರೆ ಪ್ರತಿಯೊಬ್ಬನು ಕಿವಿಗೊಡುವದರಲ್ಲಿ ತೀವ್ರವಾಗಿಯೂ ಮಾತಾಡುವದರಲ್ಲಿ ನಿಧಾನವಾಗಿಯೂ ಇರಲಿ. ಕೋಪಿಸುವದರಲ್ಲಿಯೂ ನಿಧಾನವಾಗಿರಲಿ; ಮನುಷ್ಯನ ಕೋಪವು ದೇವರಿಗೆ ಮೆಚ್ಚಿಕೆಯಾಗಿರುವ ನೀತಿಗೆ ಅನುಕೂಲವಾಗುವದಿಲ್ಲ . . . ವಾಕ್ಯದ ಪ್ರಕಾರ ನಡೆಯುವವರಾಗಿರಿ; ಅದನ್ನು ಕೇಳುವವರು ಮಾತ್ರವೇ ಆಗಿದ್ದು ನಿಮ್ಮನ್ನು ನೀವೇ ಮೋಸಗೊಳಿಸಬೇಡಿರಿ. . . ಅದರ ಪ್ರಕಾರ ನಡೆಯುವವನಾಗಿದ್ದು ತನ್ನ ನಡತೆಯಿಂದ ಧನ್ಯನಾಗುವನು.
ಯಾಕೋಬನು 1:19-25