Kaitor Bini Bwsarokni Bagwi Tiyar Khlaimano Jesa Borok Su-ui Manya
Chonghor Pol kaithamni chuknohano nukmani bagwi kotorma diyari wngwi man kha. Bororok buchiui manya a nokhayungni bisingo, Kaitor chini bagwi kaisa chẃngsachani thinang tiyar khlai kha hwnwi. Omoni bagwino Bó chwngno teibo kotor naharmung tongrwnani bagwi sa kha, o hani phaising naisiknani bagwi ya, phiya ba nokhayungni phaising—abo wng kha, chuknohani phaising naisiknani bagwi se.
Khristo Ahnsahnghong bai Ama Kaitor Chini Mokolno Phiyoknani bagwi Phai Kha hakhe Chwng Chuknohano Nugwi Manna Tẃi Khe
Chwng chuknohani chẃngsachano tei chwngno naisingwi tongnai a kwchẃngma thinangno kaichomwi tinini tongkutukrokno kwplai wngnani nangnai. Tumung chwng chuknohano puitu khlaiwi manya wng khe, chwng páithago srapsani tekto-o klai phuru’-no chwng chini poitono kwmajak anw tei kubuino yaka anw. Hai phano, tumung chwng chuknohani sói kubuino buchi khe, chini poito sal bai sal tor anw, chwngno aboni chẃngsacha-o manjak rwui.
Sakni muchungma kókno uansukmani abo thwinani lama se, Pholani kókno uansukmani abo mwbo mwthangnai, khábo kwchang rwnai se. Rum 8:6
Khatungma bai se chwng mwthangjagwi tongo; tamo khe tongma manwini bagwi khatungmani abo khatungma se klai ya. Tongma manwino sabo khatungwi tong? Tamo khe chini thani kwrwi abo tẃi manwini bagwi khatung khe chwng khá logwi ma naisingnai. Rum 8:24–25
- আগের তারিখ
- Jun 5, 2026
- সহানুভূতি
- 0
