Bororokni Uansukmungni Mulaja Tei Khristono Rwtharmani Mulaja

Phaidi Chwng Swmai Kwchamni Laibumani Bising tẃi, Chwng Chini Poitoni Langma-o Tamno Mulaja Rwnani Nang Chongwi Nalai Anw

Sal-chini lama wngna tongmano Kaitor hasing panthoro Israilrokno bisi brwichi him rw kha. Jerikoni tauno kitingwi sal dok him di tei salsni salo khe khorang kotor khe chirik lai di hwnwi Kaitor Israilrokno sa kha. Khorok 135,000 borok bai Gideonni 300 borokno choba khlai di hwnwi bo, Kaitor sa kha. Kaitorni kókno bórok mulaja rwui kók khna phuru, Kaitor bórokno bebak tẃino hamari rw kha.

Khristoni Kók Khnamani Mulaja bai Swngcharni Uansukmungni Mulajano Sái Thani Bubo Hamkuk?

Kaitorni Mothani adongrok Khristo Ahnsahnghong tei Chuknohani Amani kóktháino mulaja rwui poitoni lama him lai-o, o three-dimensional swngcharni ya, phiya five-dimensional swngchar bebakno buchinai.

“Aphuru ang naisigwi nai ba Siyon Hathái-o Mera bwsa bachajak, bo bai khorok 1,44,000 borok tongo, a bororokni talikha-o Mera bwsani bumung bai Buphani bumung swijak. . . . Bórok wng kha bwrwirok bai gwdal yaui kwthar khe tongjak bororok; bórok chwrai kwthar.Mera bwsa tháng thani’-no bórokbo thángo, swngcharni bororokni bere bórok paiwi phiyókjak kha, hakhe Kaitor bai Mera bwsani bagwi bórok tháiskangni bwthái hai. Phunukjakmani 14:1-14