ຄຸນຄ່າຂອງຄວາມຄິດທີ່ມີເຫດຜົນ ແລະ ຄຸນຄ່າຂອງການຕິດຕາມພະຄິດ

[ຂໍໃຫ້ພວກເຮົາຕຶກຕອງເຖິງສິ່ງທີ່ພວກເຮົາຄວນໃຫ້ຄຸນຄ່າ ໃນຊີວິດແຫ່ງຄວາມເຊື່ອທີ່ນໍາໄປສູ່ຄວາມພົ້ນ  ໂດຍຜ່ານປະຫວັດສາດໃນພັນທະສັນຍາເດີມ.]

ພະເຈົ້າໄດ້ຊົງນໍາພາຊາວອິດສະລາເອນຍ່າງໃນຖິ່ນແຫ້ງແລ້ງກັນດານເປັນເວລາ 40 ປີ ເຖິງແມ່ນສາມາດເປັນການເດີນທາງພຽງ 10 ມື້. ພະເຈົ້າໄດ້ຊົງສັ່ງຊາວອິດສະລາເອນໃຫ້ຍ່າງອ້ອມເມືອງເຢລີໂກ ເປັນເວລາ 6 ມື້ ແລະ ໃຫ້ຮ້ອງຂຶ້ນໃນມື້ທີ 7. ພະເຈົ້າຍັງໄດ້ຊົງກ່າວແກ່ ກີເດໂອນໃຫ້ຕໍ່ສູ້ທະຫານ 135,000 ຄົນ ດ້ວຍທະຫານພຽງແຕ່ 300 ຄົນເທົ່ານັ້ນ. ເມື່ອໃດກໍຕາມທີ່ພວກເຂົາ ໄດ້ໃຫ້ຄຸນຄ່າຕໍ່ພະຄໍາຂອງພະເຈົ້າ ແລະ ປະຕິບັດຕາມດ້ວຍຄວາມເຊື່ອຟັງ, ພະເຈົ້າກໍໄດ້ຊົງອວຍພອນພວກເຂົາໃນທຸກໆສິ່ງ.

[ມາດຕະຖານຫຍັງທີ່ໃຊ້ເລືອກລະຫວ່າງ ຄຸນຄ່າຂອງການມີເຫດຜົນ ແລະ ຄຸນຄ່າຂອງການຕິດຕາມພະຄິດ?]

ບັນດາຜູ້ເຊື່ອຖືໃນຄິດສະຕະຈັກຂອງພະເຈົ້າ ບໍ່ໄດ້ຕິດຕາມວິທີຄິດຂອງຕົນໃນໂລກ 3 ມິຕິນີ້.
ແຕ່ໄດ້ດໍາເນີນຕາມທາງແຫ່ງຄວາມເຊື່ອ ໂດຍໃຫ້ຄຸນຄ່າຕໍ່ພະຄໍາຂອງ ພະຄິດອັນຊັງໂຮງ ແລະ ພະມານດາແຫ່ງສະຫວັນ ຜູ້ທີ່ຊົງຮູ້ທຸກສິ່ງຈາກໂລກ 5 ມິຕິ.

“ແລ້ວຂ້າພະເຈົ້າກໍໄດ້ຫຼຽວເບິ່ງ ແລະ ເຫັນລູກແກະພະເຈົ້າ ຢືນຢູ່ເທິງພູສີໂອນ; ມີປະຊາຊົນ 144,000 ຄົນຢູ່ກັບພະອົງ ເຊິ່ງເປັນພວກທີ່ມີຊື່ຂອງພະອົງ ແລະ ຊື່ພະບິດາຂອງພະອົງ ຂຽນໃສ່ທີ່ໜ້າຜາກ... ຄົນເຫຼົ່ານີ້ ເປັນພວກທີ່ຮັກສາຕົນໄວ້ ຢ່າງໄຮ້ມົນທິນ ໂດຍບໍ່ໄດ້ຮ່ວມເພດກັບຜູ້ຍິງ ເປັນພວກບໍລິສຸດ. ພວກເຂົາຕິດຕາມລູກແກະພະເຈົ້າ ທຸກທີ່ທຸກບ່ອນທີ່ພະອົງໄປ.”  [ພະນິມິດ 14:1-4]