ພະເຈົ້າຊົງເປັນຄໍາຕອບ

ພະເຈົ້າຊົງຊ່ວຍພວກເຮົາຈາກບັນຫາ ແລະ ການທົດລອງທັງໝົດຂອງພວກເຮົາ

ພວກເຮົາສາມາດພົບຄໍາຕອບໄດ້ຢູ່ໃສ ເມື່ອພວກເຮົາປະເຊີນກັບບັນຫາ ໃນຊີວິດແຫ່ງຄວາມເຊື່ອຂອງພວກເຮົາ? ພະເຈົ້າຊົງມີຄຳຕອບສຳລັບທຸກສິ່ງ.
ດັ່ງທີ່ລູກໆໄດ້ຊອກຫາຄໍາຕອບຈາກແມ່ຂອງພວກເຂົາ, ມະນຸດຄວນຊອກຫາພະເຈົ້າພະມານດາ ແລະ ຮັບຄໍາຕອບຈາກພະອົງ.
ບັນດາຜູ້ທີ່ຮູ້ວ່າ ພະເຈົ້າຊົງມີຄໍາຕອບ ສໍາລັບຄວາມພົ້ນຂອງມະນຸດຊາດ ກໍ່ຊອກຫາພະເຈົ້າພະມານດາຢູ່ສະເໝີ, ອະທິຖານຫາພະອົງ ແລະ ຂໍຄໍາຕອບຈາກພະອົງ.

ການຢໍາເກງພະຜູ້ເປັນເຈົ້າເປັນບໍ່ເກີດແຫ່ງປັນຍາ. ຖ້າເຈົ້າຮູ້ອົງບໍລິສຸດ ເຈົ້າກໍ່ມີຄວາມເຂົ້າໃຈແທ້.ສຸພາສິດ 9:10

ພະພອນຖືກມອບໃຫ້ໃນເວລາທີ່ພວກເຮົາຂໍ ດ້ວຍຄວາມເຊື່ອທີ່ເດັດຂາດ.

ຫຼາຍຄົນໃນຝູງຊົນ ໄດ້ບາຍເສື້ອຂອງພະເຢຊູ, ແຕ່ບໍ່ມີຫຍັງເກີດຂຶ້ນກັບພວກເຂົາ ຍົກເວັ້ນຜູ້ຍິງທີ່ເປັນພະຍາດເລືອດຕົກ.
ມີຄົນເປັນພະຍາດຂີ້ທູດຫຼາຍຄົນໃນອິດສະລາເອນ, ແຕ່ພວກເຂົາທັງຫຼາຍບໍ່ໄດ້ຖືກປີ່ນປົວໃຫ້ຫາຍດີ ນອກຈາກນາອາມານ.
ພຽງແຕ່ບັນດາຜູ້ທີ່ມີຄວາມເຊື່ອທີ່ເດັດຂາດໃນພະເຢຊູ ສາມາດຖືກປິ່ນປົວໃຫ້ຫາຍດີ ພາຍໃຕ້ພະເມດຕາຂອງພະເຈົ້າ.