ဘုရားသခင်သည် အဖြေဖြစ်တော်မူ၏

အခက်အခဲနှင့်စုံစမ်းမှုများကြားမှ
ကျွန်ုပ်တို့ကို ကယ်တင်ပေးသော ဘုရားသခင်

ကျွန်တော်တို့ဟာ ယုံကြည်ခြင်းအသက်တာမှာ ပြဿနာတွေကို
ရင်ဆိုင်ရတဲ့အခါ အဖြေကိုဘယ်နေရာမှာ ရှာတွေ့နိုင်မှာပါလဲ။
ဘုရားသခင်ဆီမှာ အရာအားလုံးအတွက် အဖြေရှိပါတယ်။
ကလေးတွေဟာ သူတို့ရဲ့အမေဆီကနေအဖြေကိုရှာကြသလိုမျိုး
လူသားတွေဟာလည်း အမေဘုရားသခင်ကိုရှာပြီး
သူမဆီကနေ အဖြေကိုရယူသင့်ပါတယ်။
ဘုရားသခင်ဆီမှာ လူသားတွေရဲ့ကယ်တင်ခြင်းအတွက် အဖြေရှိတယ်ဆိုတာကို
သိတဲ့သူတွေဟာ အမေဘုရားသခင်ကိုရှာပြီး၊ သူမဆီကိုဆုတောင်းပြီးတော့
သူမဆီကနေအဖြေကို တောင်းခံကြပါတယ်။

ထာဝရဘုရားကို ကြောက်ရွံ့သောသဘောသည် ပညာ၏မူလအမြစ်ဖြစ်၏။
သန့်ရှင်းတော်မူသောဘုရားကို သိကျွမ်းသောသဘောသည် ဉာဏ်ဖြစ်၏။
သုတ္တံကျမ်း ၉:၁၀

အကြွင်းမဲ့ယုံကြည်ခြင်းဖြင့် ဆုတောင်းသောအခါ ပေးသော ကောင်းကြီးမင်္ဂလာများ

လူအုပ်စုကြီးထဲကနေ လူများစွာဟာ ယေရှုခရစ်ရဲ့အဝတ်တော်ကို
တို့ထိခဲ့ပေမဲ့ သွေးသွန်နာစွဲတဲ့မိန်းမကလွဲရင် ဘယ်သူ့ဆီမှာမှ ဘာထူးခြားမှုမှ
မဖြစ်ခဲ့ပါဘူး။ ဣသရေလနိုင်ငံမှာ နူနာစွဲတဲ့သူတွေအများကြီးရှိခဲ့ပေမဲ့
နေမန်ကလွဲရင် ဘယ်သူကမှအနာမပျောက်ခဲ့ပါဘူး။
ယေရှုခရစ်ကို အကြွင်းမဲ့ ယုံကြည်တဲ့သူပဲ ဘုရားသခင်ရဲ့ကျေးဇူးတော်အားဖြင့်
အနာရောဂါပျောက်ကင်းခွင့်ကို ရရှိနိုင်ခဲ့ပါတယ်။