परमेश्वर नै उत्तर हुनुहुन्छ

हामीलाई हरकिसिमका कठिनाइ र परीक्षाबाट उद्धार गर्नुहुने परमेश्वर

‘विश्वासको जीवनमा समस्या आइपर्दा कहाँ गएमा उत्तर पाउन सकिन्छ होला ?’
ती सबै कुराको उत्तर परमेश्वरसित छ ।
परिवारमा पनि सन्तानहरूले आमासित उत्तर खोजेजस्तै,
मानव-जातिले माता परमेश्वरलाई बिन्ती गर्दै उत्तर प्राप्त गर्नुपर्छ ।
मानव-जातिको मुक्तिसम्बन्धी उत्तर परमेश्वरसित छ भन्ने यथार्थता जानेको मानिसले
सधैँ माता परमेश्वरलाई खोज्दछ, र परमेश्वरलाई प्रार्थना गर्दै उत्तर प्राप्त गर्दछ ।

परमप्रभुको भय मान्नु नै बुद्धिको सुरुआत हो, र परमपवित्रको ज्ञान नै समझशक्ति हो । हितोपदेश ९:१०

पूर्ण विश्वासद्वारा मागेमा दिइने आशिष्
भीडका थुप्रै मानिसहरूले येशूज्यूको वस्त्र छोए तर तिनीहरूमा कुनै परिवर्तन आएन,
अनि इस्राएलमा असंख्य कुष्ठरोगीहरू थिए तर तिनीहरू सबै जना निको भएनन् ।
केवल पूर्ण विश्वास लिएका ती रगत बग्ने रोग लागेकी स्त्री र कुष्ठरोगी नामानले
येशूज्यूबाट रोग निको हुने अनुग्रह र आशिष् पाए ।