Ang Bahai Khe Bόrokno Phiyógwi Mannai?

Tamni Bagwi Kaitor Salbrúmno Kók Khnamanino Chukjakni Slái Kaham Hwnwi Rom?

Gideon wng kha bini núkhungni jotoni slái kusu abo Israil bosongni jotoni slái kebel bosongni. Phiya Kaitorni kók khan mani bising tẃi jotoi 300 sengkrak bai 135,000 Midiansarokno mechenwi man kha.
Musi tei Josuabo Kaitorni kókno khnaui Amaleksarokno choba-o mechenwi man kha. Omo hai kheno, tabukbo, bebak tonghalogo khlai wngmani abo Kaitorni chubamungno poito khlai mani tei Bini kók khan mani bai se wngo.

Khristo Ahnsahnghong tei Ama Kaitor Chwngno Phrwngmani, Hamari Yachaknani Huijak Kók

Katswi Jisaia kók diyari samani hai, “Kaitor kotoi kukno kotor snamnai,” o ha-o bebakno Kaitorni chapmani mote se pura wngo hwnwi buchiui mannai tei Kaitorni kókno khnanai bororok, abo kó heleng hai wng phano, bórok hamari mannai.

Gideon hai hwnwi sa phi khua, “. . . Manase bosongni bisingo ani buthupno jotoni slái kebel kuk tei ani núkhúngo ang’-no samungo chúk ya kuk borok.” Subraiyung bono hai hwnwi sa kha, “Ang nwng bai tongnai, hakhe nwng khoroksano sukhrupma hai khe Midiansarokno sukhrubwi mannai.”
Buj Thumnairok 6:15-16

Nini bebak bororok sói kubui borok wng bai anw;
bórok kusung kusungni bagwi ha yago mannai,
ani yakni samungrok, ani káimani buphang rotomjak,
aboni bising tẃi ani chẃngsacha nukjak anw.
Kotoi kuk abo kotor wngwi bachanai,
dopha bwsa abo phan gwnang dopha wngwi bachanai;
ang Subraiyung; sói jora-o abono daktino khlainai.
Jisaia 60:21-22