ຂ້ອຍຈະສາມາດຊ່ວຍ ພວກເຂົາໃຫ້ພົ້ນໄດ້ແນວໃດ

[ເປັນຫຍັງພະເຈົ້າຈຶ່ງຊົງຖືວ່າ ການເຊື່ອຟັງສໍາຄັນກວ່າຄວາມສາມາດສະເໝີ?]

ກີເດໂອນ ແມ່ນຜູ້ທີ່ສໍາຄັນໜ້ອຍທີ່ສຸດໃນຄອບຄົວ ໃນເຜົ່າທີ່ອ່ອນແອທີ່ສຸດ ໃນບັນດາເຜົ່າທັງໝົດຂອງອິດສະລາເອນ. ແຕ່ລາວສາມາດເອົາຊະນະກອງທັບຊາວມີດີອານ 135,000 ຄົນ ດ້ວຍທະຫານພຽງ 300 ເທົ່ານັ້ນ ໂດຍການເຊື່ອຟັງພະຄໍາຂອງພະເຈົ້າ. ໂມເຊ ແລະ ໂຢຊວຍ ກໍເຊັ່ນກັນ ໄດ້ເອົາຊະນະການສູ້ຮົບກັບຊາວອາມາເຫຼັກ ໂດຍການເຊື່ອຟັງພະຄໍາຂອງພະເຈົ້າ. ໃນທໍານອງດຽວກັນ, ແມ່ນແຕ່ໃນປະຈຸບັນນີ້ ໄຊຊະນະໃນທຸກໆສະຖານະການ ແມ່ນມາຈາກການເຊື່ອໃນການຊ່ວຍເຫຼືອຂອງພະເຈົ້າ ແລະ ການເຊື່ອຟັງພະອົງ.

[ຄວາມເລິກລັບທີ່ຈະໄດ້ຮັບພະພອນ ທີ່ພະຄິດອັນຊັງໂຮງ ແລະ ພະເຈົ້າພະມານດາຊົງສັ່ງສອນພວກເຮົາ]

ດັ່ງທີ່ ເອຊາຢາ ໄດ້ທໍານວາຍໄວ້ວ່າ: ພະເຈົ້າຈະຊົງເຮັດໃຫ້ຊົນຊາດທີ່ຕໍ່າຕ້ອຍທີ່ສຸດ ກາຍເປັນໃຫຍ່ໂຕ
ດັ່ງຊົນຊາດມີອໍານາດ, ຜູ້ທີ່ເຂົ້າໃຈວ່າ ທຸກສິ່ງທຸກຢ່າງໃນໂລກນີ້ກໍາລັງສໍາເລັດຕາມແຜນການຂອງພະເຈົ້າ
ແລະ ເຊື່ອຟັງພະຄໍາຂອງພະເຈົ້າ ແມ່ນແຕ່ໃນເລື່ອງເລັກນ້ອຍກໍຈະໄດ້ຮັບພະພອນ.

ກີເດໂອນຕອບຄືນວ່າ “ແຕ່ພະຜູ້ເປັນເຈົ້າເອີຍ... ເພາະຕະກຸນຂອງຂ້າພະອົງເປັນຕະກຸນອ່ອນແອທີ່ສຸດ ໃນເຜົ່າມານາເຊ ແລະ ຂ້າພະອົງເອງກໍເປັນຄົນທີ່ມີຄວາມສໍາຄັນໜ້ອຍກວ່າໝູ່ ໃນຄອບຄົວຂອງຂ້າພະອົງ.”
ພະຜູ້ເປັນເຈົ້າກ່າວຕໍ່ລາວວ່າ “ເຈົ້າເຮັດສິ່ງນີ້ໄດ້ ເພາະເຮົາຈະຊ່ວຍເຈົ້າ.
ເຈົ້າຈະທໍາລາຍພວກມີດີອານໄດ້ຢ່າງງ່າຍດາຍ ຄ້າຍກັບວ່າພວກເຂົາມີພຽງແຕ່ຄົນດຽວເທົ່ານັ້ນ.”
[ພວກຜູ້ປົກຄອງ 6:15-16]

ປະຊາຊົນຂອງເຈົ້າຈະທໍາສິ່ງຖືກຕ້ອງທັງໝົດ ແລະ ໄດ້ເປັນເຈົ້າຂອງດິນແດນສືບໄປເປັນນິດ. ເຮົາໄດ້ປູກເຂົາໄວ້ ແລະ ເຮົາໄດ້ສ້າງເຂົາຂຶ້ນມາ ເພື່ອເຜີຍຄວາມຍິ່ງໃຫຍ່ຂອງເຮົາໃຫ້ໂລກໄດ້ຮູ້.
ເຖິງວ່າ ຄອບຄົວເຈົ້ານ້ອຍ ແລະ ຕໍ່າຕ້ອຍທີ່ສຸດ ກໍຈະກາຍເປັນໃຫຍ່ໂຕດັ່ງຊົນຊາດມີອໍານາດ. ເຮົາຈະເຮັດໃຫ້ເລື່ອງນີ້ເກີດຂຶ້ນໂດຍໄວ ເຮົາແມ່ນພະຜູ້ເປັນເຈົ້າ!”
[ເອຊາຢາ 60:21-22]