ធ្វើដូចម្តេចឱ្យទូលបង្គំជួយសង្គ្រោះបាន

ហេតុអ្វីព្រះតែងតែចាត់ទុកការស្ដាប់បង្គាប់ សំខាន់ជាងសមត្ថភាព?

គេឌានជាអ្នកតូចបំផុតក្នុងពួកផ្ទះរបស់គាត់ ហើយមកពីពូជអម្បូរតូចជាងគេ
ក្នុងពូជអម្បូរអ៊ីស្រាអែល ប៉ុន្ដែគាត់បានកម្ចាត់ពួកម៉ាឌាន១៣៥,០០០នាក់
ដោយមានទាហានចំនួន៣០០នាក់ តាមរយៈការស្ដាប់តាមព្រះបន្ទូលព្រះ។
ម៉ូសេ និងយ៉ូស្វេក៏បានឈ្នះក្នុងចម្បាំងនឹងសាសន៍អាម៉ាលេក ដោយស្ដាប់
តាមព្រះបន្ទូលព្រះដែរ។ ដូចគ្នាដែរ សព្វថ្ងៃនេះ ការទទួលជ័យជម្នះក្នុងគ្រប់
ស្ថានភាព គឺកើតចេញពីការជឿលើជំនួយរបស់ព្រះ និងការស្ដាប់បង្គាប់ព្រះ។

អាថ៌កំបាំងនៃការទទួលព្រះពរ
ដែលព្រះអាន់សាំងហុង និងព្រះមាតាបានបង្រៀន

ដូចហោរាអេសាយបានមានទំនាយថា "ព្រះនឹងធ្វើឱ្យអ្នក​តូច​បំផុត​ ត្រឡប់​ជា
​សាសន៍១​យ៉ាង​ពូកែ" អស់អ្នកដែលយល់ដឹងថា អ្វីៗគ្រប់យ៉ាងនៅផែនដីនេះ
កំពុងត្រូវបានសម្រេចតាមផែនការរបស់ព្រះ ហើយស្ដាប់បង្គាប់ព្រះបន្ទូល
របស់ព្រះទោះក្នុងរឿងតូចតាចក៏ដោយ នោះនឹងទទួលព្រះពរ។

រួច​លោក​ទូល​ទ្រង់​ថា … មើល ទូលបង្គំ​ជា​គ្រួ​ក្រ​ជាង​គេ​ក្នុង​ពួក​ម៉ាន៉ាសេ ហើយ​ទូលបង្គំ​ក៏​ជា​អ្នក​តូច​បំផុត​ក្នុង​ពួក​ផ្ទះ​ឪពុក​ទូលបង្គំ​ផង ព្រះយេហូវ៉ា​ទ្រង់​មាន​ព្រះបន្ទូល​តប​ថា អញ​នឹង​នៅ​ជា​មួយ​នឹង​ឯង ឯង​នឹង​វាយ​សាសន៍​ម៉ាឌាន​ដូច​ជា​វាយ​ដល់​មនុស្ស​តែ​ម្នាក់
ពួក​ចៅហ្វាយ ៦:១៥-១៦

ពួក​អ្នក​នៅ​ក្នុង​ឯង​នឹង​បាន​ជា​មនុស្ស​សុចរិត​ទាំង​អស់ គេ​នឹង​គ្រង​បាន​ស្រុក​ជា​មរដក​នៅ​ជា​ដរាប គេ​ជា​មែក​ដែល​អញ​បាន​ផ្សាំ ជា​ការ​ដែល​ដៃ​អញ​បាន​ធ្វើ ដើម្បី​ឲ្យ​អញ​បាន​ដំកើង​ឡើង អ្នក​តូច​បំផុត​នឹង​ត្រឡប់​ជា​មនុស្ស​១​ពាន់ ហើយ​ពួក​មាន​គ្នា​តិច និង​ត្រឡប់​ទៅ​ជា​សាសន៍១​យ៉ាង​ពូកែ អញ​នេះ​គឺ​ព្រះយេហូវ៉ា អញ​នឹង​បញ្ជឿន​ឲ្យ​ការ​នេះ​ឆាប់​កើត​ឡើង​នៅ​ពេល​កំណត់
អេសាយ ៦០:២១-២២