म कसरी तिनीहरूलाई बचाउन सक्छु ?

[परमेश्वरले सधैँ क्षमताभन्दा पनि
आज्ञाकारितालाई अझ महत्त्वपूर्ण ठान्नुको कारण ?]

गिदोन इस्राएलको कुलहरूमध्येको सबैभन्दा कमजोर कुल,
र तिनको पिताको घरानाका सबैभन्दा सानो व्यक्ति थिए ।
तैपनि परमेश्वरको वचनमा आज्ञाकारी भएकाले
तिनले ३०० जना सेनाहरूद्वारा १,३५,००० जना
मिद्यानीहरूलाई जित्न सकेका थिए ।
मोशा र यहोशूले पनि परमेश्वरको वचनमा आज्ञकारी भएकाले
अमालेकीहरू विरुद्धको लडाइँ जितेका थिए ।
त्यसै गरी अहिले पनि सबै कार्यको जितचाहिँ
परमेश्वरको सहयोगमा विश्वास गरेर
उहाँको वचनप्रतिको आज्ञाकारिताबाट आउँछ ।

[आन साङ होङज्यू र माता परमेश्वरले
जानकारी दिनुभएको आशिष् पाउने रहस्य]

“परमेश्वरले सानोलाई शक्तिशाली जाति बनाउनुहुन्छ” भनेर
गरिएको यशैया अगमवक्ताको अगमवाणीजस्तै, यो पृथ्वीमा
सबै थोक परमेश्वरको पूर्वनिर्धारित योजनाद्वारा पूरा हुन्छ भनी
महसुस गरी परमेश्वरको सानो वचनमा पनि
आज्ञाकारी हुनेहरूले आशिष् पाउनेछन् ।

गिदोनले उत्तर दिए, “ ... मेरो गोत्रलाई हेर्नुहोस्
त्यो त मनश्शेमा सबैभन्दा कमजोर छ,
र मेरा पिताको घरानामा म सबैभन्दा सानो छु ।”
परमप्रभुले जवाफ दिनुभयो, “म तँसँग हुनेछु,
र तैंले सारा मिद्यानीहरूलाई एउटै मानिसलाई झैँ मार्नेछस् ।”
न्यायकर्ता ६:१५-१६

“तब तेरा सबै प्रजा धर्मात्मा हुनेछन्, र तिनीहरूले
सदाको निम्ति देशको अधिकार गर्नेछन् ।
मेरो गौरव प्रदर्शन गर्न तिनीहरू मैले रोपेका बिरुवा,
मेरो हातका काम हुन् । तिमीहरूमध्ये थोरैचाहिँ हजार हुनेछ,
र सबैभन्दा सानोचाहिँ एउटा शक्तिशाली जाति हुनेछ ।
म परमप्रभु हुँ । त्यसको समयमा त्यो चाँडै पूरा गर्नेछु ।”
यशैया ६०:२१-२२