Kumno Ngan Pyllait ia Ki?

Balei U Blei Barabor U Niew ia ki Jingkohnguh kaba Kham Kongsan ban ia ka Jingnang?

U Gideon u long uba rit tam ha ka ïing u kpa jong u kaba long na kur ba duk tam napdeng baroh ki jaid Israel. Pynban u la lah ban ialeh pyrshah ia 135,000 ngut ki rangbah Midian da tang 300 ngut ki shipai da kaba kohnguh ia ka ktien U Blei. U Moses bad U Joshua ruh ki la jop ha ka thma pyrshah ia ki Amalek da kaba kohnguh ia ka ktien U Blei. Ha kajuh ka rukom, wat mynta ruh de, ka jingjop ha baroh ki jinglong ka mih na ka jingngeit ha ka jingiarap U Blei bad kaba kohnguh ia U.

Ka Jingbuhrieh ban Ioh ka Jingkyrkhu, Kaba U Khrist Ahnsahnghong bad Ka Blei Ka Kmie Ki Hikai Ia Ngi

Kumba U Isaiah u la iathuhlypa, “U Blei un pynlong ia ita bapoh ka jaid bynriew badonbor,” kita kiba sngewthuh ba kiei kiei baroh ha kane ka pyrthei la pyndep kat kumba U Blei u la thmu bad kohnguh ia ka ktien U Blei, wat ha kaei kaei kaba rit, kin ioh kyrkhu.

U te u la ong ha u, “Ah Trai . . . ha khmih, ka kur jong nga kaba duk tam ha Manasseh, bad nga ruh uba rit tam ha ka ïing u kpa jong nga.” U Trai te u la ong ha u, “Shisha ngan long lem bad me, bad men jop ia ki Midian kum ia uwei u briew.”
Ki Nongbishar 6:15–16

“Ki briew jong pha ruh kin long kiba hok baroh, kin ioh kynti ia ka ri junom; ka tnat ka jingthung jong nga, ka kam ki kti jong nga, ba yn pyndonburom ia nga. Ita iba rit in sa long shihajar, bad ita bapoh ka jaid bynriew badonbor: nga U Trai ngan pynkloi ia kata ha ka por jong ka.”
U Isaiah 60:21–22