Ka Longїing Bahabneng bad ka Jingsarong shaphang U Blei

Ka longïing bahabneng ka dei ka jingshisha jong ka longïing ba ha khyndew (Heb 8:5).
Kum ki khun U Blei, ngi hap ban sarong
shaphang Ki kmie ki Kpa Bahabneng jong ngi,
U Blei U Kpa bad Ka Blei Ka Kmie kat shaba ngi leit.
(Ka khana shaphang u khun, uba leh lyndet
ia ka jingaiti ka kmie jong u, bad uwei pat u khun
uba sarong shaphang la ka kmie)

Don kiba shaniah ha ki kali, kiwei pat ruh ha ki kulai:
hynrei ngi ngin iathuh [sarong, NASB] ia ka kyrteng
U Trai U Blei jong ngi.
Ki Salm 20:7

U Blei U Kpa bad Ka Blei Ka Kmie ki la wan
sha kane ka khyndew ban bah ia ki pop jong ngi.
Kaba im ka jingim ka jingpang ki briew lem bad ngi
ka la dei eh ban ioh ia ka jingiaroh na ka pyrthei.

Ka jingkohnguh na ka jingieit kamram ki khun bakynja mynsiem
Ha ka jingim ka jingngeit, ki jingleh kum ka jingngeit bad ka jingkohnguh
la pyndep na ka jingieit kamram ki khun ia Ki Kmie ki Kpa Bakynja Mynsiem.
Ki kpa ka jingngeit kum U Noah, U Abraham, U Daniel
bad lai ngut ki paralok jong u ki la pyndep ia ka kamram ki khun
sha U Blei da kaba shaniah bad kohnguh ia ki ktien jong U.