Kaitorno Kebengwi Sumsok Khlai Nai tei Kaitorni Kόk Khnanai Bororokni Manthai

Norok Kaitorno Kebengwi Sumsok Khlai Nai Hai Khe Da eba Kaitorni Kόk Khna Nai Bororok Hai Khe Da Muitu Khlaijaknani Muchung?

Bόrokni bugrakhor phan krak wngmani bagwi, Rehoboam, Sol, Ujia, Ahas, tei Jedekia song hai bugrarok sak-sakno kuchugo tisa kha tei kung chuk lai kha.
Páithago, bόrok Kaitorno kebengwi sumsok khlai kha tei sokomorjak kha.
Tei baisa yago, Jotham, Daud, Daniel, tei bikiching khoroktham song salbrúmno Kaitorni kόkno khna kha tei Kaitor bai hamari rwjak kha. Omo wng kha kaisa nangkukmani phrwngmung, omo Kaitorni Mothani adongrok tabuk himnani nangmani poitoni lamano phunugo.

Kaitor Phola-o tei Bahan Bwthẃi-o Kanwi-ono Langma, Hamchama, Thwima, tei Sokomormungo Chalogwi Tongo

Bόrok salbrúmno Kaitorni kόkno khnaui tongnani nangnai, tonghalok tei tongboyarno naiwi ninangmani poito bai ya.
Teibo, Khristo Ahnsahnghong tei Ama Kaitorni chubachuno bόrok poito khlai nani nangnai tei Kaitorni samani hai khe kothoma kahamni samungno khlai nani nangnai.
Hakhe, katswi Daudni bugrakhor hai khe Kaitor Siyonno krak, hamchajak, tei swngchar gwnangwi kahamkuk snamnai.

Sol thwi kha tamni hwn ba bo Subraiyungni thani sói khe tong li ya. Bo Subraiyungni kók khna li ya, bo mwtai hamyarokni thani se chubachu nai si-o. Bo Subraiyungni chubachu le na se nai li ya. Aboni bagwi Subraiyung bono butharwi bini hano Jisaini bwsla Daudni thani yaphar kha.
1 Bosong 10:13-14

Hakhe Jotham phan wngwi bacha kha, tamni hwn ba bo Subraiyung bini Kaitorni kókno khna-o.
2 Bosong 27:6