ຜົນຂອງຜູ້ທີ່ເຮັດບາບຕໍ່ພະເຈົ້າ ແລະ ຜູ້ທີ່ສັດຊື່ຕໍ່ພະເຈົ້າ
ຈຳນວນຜູ້ເຂົ້າຊົມ 1,260 ຄັ້ງ #ຄວາມເຊື່ອ #ການປະກາດ #ຄວາມເຊື່ອຟັງ[ທ່ານຢາກຖືກຈົດຈໍາ ໃນຖານະຜູ້ທີ່ເຮັດບາບຕໍ່ພະເຈົ້າ ຫຼື ຜູ້ທີ່ສັດຊື່ຕໍ່ພະເຈົ້າບໍ?]
ເມື່ອອານາຈັກຂອງພວກເຂົາມີອຳນາດຫຼາຍຂຶ້ນ, ກະສັດເຊັ່ນ: ເລໂຮໂບອາມ, ໂຊນ, ອຸດສີຢາ,
ອາຮາດ ແລະ ເສເດກີຢາກໍຍົກຕົວຂຶ້ນ ແລະ ຍິ່ງຈອງຫອງ. ໃນທີ່ສຸດ, ພວກເຂົາກໍໄດ້ເຮັດບາບຕໍ່
ພະເຈົ້າ ແລະ ຖືກທໍາລາຍ. ກົງກັນຂ້າມ, ໂຢທາມ, ດາວິດ, ດານີເອນ ແລະ ໝູ່ສາມຄົນຂອງລາວ ແມ່ນສັດຊື່ຕໍ່ພະເຈົ້າຢູ່ສະເໝີ ແລະ ໄດ້ຮັບພະພອນຈາກພະເຈົ້າ. ນີ້ເປັນບົດຮຽນສຳຄັນ ເຊິ່ງສະແດງ
ໃຫ້ເຫັນທິດທາງແຫ່ງຄວາມເຊື່ອ ທີ່ບັນດາຜູ້ເຊື່ອຖືຂອງຄິດສະຕະຈັກຂອງພະເຈົ້າ ຄວນປະຕິບັດຕາມໃນມື້ນີ້.
[ພະເຈົ້າຊົງຢູ່ໃນການຄວບຄຸມຂອງຊີວິດ, ຄວາມຮຸ່ງເຮືອງ, ຄວາມຕາຍ ແລະ ການທໍາລາຍ
ທັງຝ່າຍຈິດວິນຍານ ແລະ ທາງຮ່າງກາຍ]
ພວກເຂົາຄວນສັດຊື່ຕໍ່ພະເຈົ້າຢູ່ສະເໝີ, ບໍ່ແມ່ນດ້ວຍຄວາມເຊື່ອທີ່ໂອນເອນຕາມສະພາບການ ແລະ
ເງື່ອນໄຂ. ນອກຈາກນີ້, ພວກເຂົາຄວນເຊື່ອໃນການຊ່ວຍເຫຼືອຂອງພະຄິດ ພະອັນຊັງໂຮງ ແລະ
ພະເຈົ້າພະມານດາ ແລະ ດໍາເນີນວຽກງານຂ່າວປະເສີດ ຕາມພະຄໍາຂອງພະເຈົ້າ. ຈາກນັ້ນ,
ພະເຈົ້າກໍຈະຊົງເຮັດໃຫ້ສີໂອນຍິ່ງໃຫຍ່, ຮຸ່ງເຮືອງ ແລະ ໂດດເດັ່ນໃນທົ່ວໂລກ ເໝືອນດັ່ງອານາຈັກຂອງດາວິດ.
ກະສັດໂຊນໄດ້ຕາຍໄປ ກໍເພາະເພິ່ນບໍ່ສັດຊື່ຕໍ່ພະຜູ້ເປັນເຈົ້າ. ເພິ່ນບໍ່ເຊື່ອຟັງຂໍ້ຄໍາສັ່ງຂອງພະຜູ້ເປັນເຈົ້າ; ເພິ່ນໄດ້ປຶກສານໍາວິນຍານຂອງຄົນຕາຍ ແທນທີ່ຈະປຶກສານໍາພະຜູ້ເປັນເຈົ້າ.
ດັ່ງນັ້ນ ພະຜູ້ເປັນເຈົ້າຈຶ່ງໄດ້ຂ້າເພິ່ນ ແລະ ມອບອານາຈັກໃຫ້ດາວິດລູກຊາຍຂອງເຢຊີ ຂຶ້ນປົກຄອງແທນ.
[1 ຂ່າວຄາວ 10:13-14]
ໂຢທາມມີອຳນາດເຂັ້ມແຂງຂຶ້ນ ເພາະເພິ່ນເຊື່ອຟັງພະເຈົ້າຢ່າງສັດຊື່.
[2 ຂ່າວຄາວ 27:6]
- ວັນທີໂພດສ໌
- 2023. 03. 03
- ຄວາມຮູ້ສຶກ
- 239
