Ka Jingmih jong Kita Kiba Leh Pop Pyrshah ia U Blei & Kita Kiba Iaineh ha U Blei

Hato Phi Kwah Ba Yn Kynmaw ia Phi kum Kita Kiba Leh Pop Pyrshah ia U Blei ne Kita Kiba Kohnguh ia U Blei?

Naba ka hima jong ki ka la nang ioh bor nang ioh bor, ki syiem kum U Rehoboam, U Saul,
U Ussiah, U Ahas, bad U Sedekaiah ki la kyntiew ia lade bad ki la meng.
Ha kaba kut, ki la leh pop pyrshah ia U Blei bad ki la shah pynjot.
Ha kawei pat ka liang, U Jotham, U Dabid, U Daniel, bad laingut ki paralok jong u ki la kohnguh ia U Blei ha la ka sngi
bad ki la ioh kyrkhu da U Blei. Kane ka dei ka jinghikai bakongsan kaba pyni ia ka lynti ka jingngeit
kaba ki dkhot jong ka Balang U Blei ki dei ban iaid mynta.

U Blei U Pyniaid ia ka Jingim, ka Jingman Bha, ka Jingiap, bad ka Jingjot ha Kaba Kynja Mynsiem bad Ruh Kaba Kynja Doh

Ki dei ban kohnguh ia U Blei ha la ka sngi, ym da ka jingngeit kaba khih
kaba shong ha ka jinglong jingman.
Bad ruh, ki dei ban ngeit ha ka jingiarap jong U Khrist Ahnsahnghong bad Ka Blei Ka Kmie
bad trei ia ka kam gospel katkum ka ktien U Blei.
Nangta, U Blei un pynlong ia ka Seion kaba khraw bor, kaba man bha, bad kaba biang tam ha baroh kawei ka pyrthei kum ka hima U Dabid.

Kumta U Saul u la iap namar ka jingpalat jong u kaba u la leh ia U Trai, na ka bynta kata ka ktien jong U Trai, kaba um shym la sumar; bad namarba u la iakylli jingpyrkhat ruh na kawei ka nongkren byrtong, ban iakylli na ka, bad um shym la kylli na U Trai: namarkata u la pyniap ia u, bad u la pynphai noh ia ka hima sha U Dabid u khun U Jesse.
1 Ki Khronikl 10:13–14

Kumta U Jotham u la man khraw namar u la pynbeit la ki lynti ha khmat U Trai U Blei jong u.
2 Ki Khronikl 27:6