Pentikoso Phola Kwtharni Hamarirok

Chwng Phola Kwthar Yachak Phuru Khe, Kothoma Kahamni Pekhakma Samung Khlaijak Nai

Swkangni Mothani kwthar bororok Chuknoha-o Kasaui Thángmani Salni simi Pentikosni Sal jora salchi romwi khá bai khúk bai suri lai kha. Pentikoso, bόrok Phola Kwthar yachak kha, abo bόrokni poitono kwrak khlai kha tei dakti khe kothoma kaham pírjak kha. Phola Kwtharni Molo, Pentikoso Kaitor chwngno Phola Kwtharni sokat yaphar kha, abo 2,000 bisi swkango rapharmani slái phano tei uáisni kwrak.

Phola Kwtharni Sokat Chwng Mada Man Kha eba Man Ya Chwng Bahai Khe Saui Mannai?

Phola Kwthar yachakmani yagulo, swkangni Motharok “Jisuno Khristo,” hwnwi sakki rw kha. Omo hai kheno, tabuk Kaitorni Mothani adongrok, Pentikos tẃiwi ulni uatwini Phola Kwthar yachaknairok, swngchar gwnangwi chini Mwthangnaisa, Khristo Ahnsahnghong tei Chuknohani Amano tẃiwi khá kwrwk khe pír lai-o.

Pentikos sal sók phai kha, aphuru poito khlainairok bebak’-no kwrẃngsa-o kuthum laijak. Aphuru nokbar kotor sipchaui kutukma hai khe nokha phaisingni aro achomsa kutuksa kha, hakhe abo bórok achugwi tongmani nok gwnangwi kutuk phai kha. Aphuru bórok hórjlai hai yang yang piring-poroi nuk kha; hakhe aro tongnai joto borokni thani hórjlai nangjak. Bórok bebak’-no Phola Kwthar bai koboljak bai kha, hakhe Phola sa rwma tẃi buini kók bai kók sa lai kha.
Samung 2:1-4