Swmai Kwtalni Yókma ter Simi se Kaitorni aro Tháng nani Lama
Tumungno chwng Swmai Kwtalni Yókma terni bising tẃi Kaitorni aro kiphil khe, chwng sumsok nakarjakmung tei thwiphlaiya langmano yachagwi manno. Hai phano, khoroksaswk Kaitorni Swmai-o tong ya hwnkhe, Kaitor bórokno yakarwi rw nai; abohai kheno, bórok belaino kirimasingcha thwimung thwi nani nangnai tamni hwn ba Habugra Sol tei Judas Iskariotno khlai mani hai phola hamya bórokni bisingo hap nai.
Kaitorni Motha Yókma terni bising tẃi Kaitorno Kubui khe Lob-o
Habugra Hejikia tuitunrokno “Kaitorni aro kiphilnani bagwi Yókma terno tẃi di” hwnwi sakhlainani bagwi rohor phuru, Salchibaini Israilni bororok borokno thesra khlaiwi mwnwi lai bai kha. Abo hai kheno, o bororok sokomorjak bai kha. Tabukni bororok omo hai tongdal bai uphilwi sanairokbo Salchibaini Israilrok hai thangsa manmung man nai.
Swngcharo kwbangma motha tong phano, Kaitorni swmai, Yokma terno tẃinai motha simi se Kaitorni thani kiphil phai kha hwnwi saui manno tei Kaitor baksa khe tongmani motha hai khe hamari rwjak thung.
“Hejekia Subraiyungni noktharo Subraiyung Israilni Kaitorni thani yókma ter panda khlainani bagwi bebak Israil tei Judani thani Ephraim tei Manase-o kóktun swiwi Jerusalemo phai bai thung hwnwi sa hor kha . . . Subraiyung, Abraham, Isak tei Israilni Kaitorni thani kiphil bai di.” 2 Bosong 30:1-6
- আগের তারিখ
- 2021. 04. 16
- সহানুভূতি
- 0
