Chuknohani Ama, a Kaham Kuk Kharjaknai Kamiyung

Tamni Bagwi Birmanrok Bai Kupulung Ha-o Siyon Simino Kaham Kuk Kharjaknai Kamiyung

Baibel kók diyarini bising tẃi o molno
kotor asarini jora hai khe swbaiwi sa-o.
Haktorrokni kwcharo chobarok wngwi tong kha ba tei
lekha baiya nokbar twibarni birmanrok phaiwi tong kha
ba bororok nokha saka-o, twijlang bisingo,
eba ha tola-o hapnani bagwi chap lai-o.
Hai phano, Siyonno karwi mwthangjakmungni tongthai
tei kwrwi hwnwi Baibel sa-o, je jaga-o Ama Kaitor tongo.

Swngchar Gwnangwini Kaitorni Mothani Adongrok Ama Kaitorni Thani Khatungmung Mano

Kaitor Danielno Habugra Nebukadnejarni imangno saui rwma hai kheno,
tini Bó a birmanrokni kwcharo kaham kuk kharjaknai kamiyung
wng kha Ama Kaitor se hwnwi saui man rw kha.
Bwsarok bórokni bumani khaja-o jwngjal rokni
jora-o kaham kuk thai wngjakma hai, Kaitor a
birmarokni kwcharo bororokni kaham kuk jaga
wng kha Ama Kaitor se hwnwi saui man rw kha.

“Ang o ha sakani bebakno’-no kirimasingcha
khe sokomor súgwi páinai” hwnwi Subraiyung sa-o.
“Ang bororokno tei yabrwirokno sokomornai;
nokhani tokrokni tei twijlangni árokno sokomornai.
Ang borok hamyarokno khiklainai. O ha sakani
borok tongmarokno sokomor suknai”
hwnwi Subraiyung sa-o.
Japhania 1:2-3

“Phiya bo tumungno seleng hamya wng khe
bo khá bising bising ‘Ani nokphang phaina
ler anw,’ hwnwi uansuknai, hakhe bo tei
selengrokno bunai-toknai phiya phekplairok
bai chánai nungnai. Hakhe phai glak hwnwi
tongmani salono, bo saui man slap ya sini bini
nokphang phainai. Hakhe nokphang bono
kochok nwi khe tan phainai, phatrarok bai baksa’-no
bonobo ton anw. Bo aro ua hului ma kap anw.”
Mathai 24:48-51