Langitnong Inahan, ang Labing Luwas nga Dalangpanan

Ngano nga ang Sion Mao ang Bugtong Luwas nga dalangpanan sa Kalibotan Diin Kaylap ang mga Kalamidad

Ang Biblia matagnaong naghubit niining panahona ingong panahon sa dakong krisis.
Samtang nag-ulbo ang mga gubat tali sa mga nasod ug dili maihap nga mga kalamidad sa klima, ang mga tawo nagplano sa pag-ikyas ngadto sa kawanangan, sa kahiladman sa kadagatan, o sa ilalom sa kalibotan.
Apan, ang Biblia nag-ingon nga walay dalangpanan sa kaluwasan gawas sa Sion, diin ang Dios Inahan nagpuyo.

Ang mga Miyembro sa Church of God Tibuok Kalibotan Nakakaplag ug Kalipay sa Dios Inahan

Sama nga gipadayag ug gihubad sa Dios ang damgo ni Haring Nabucodonosor ngadto kang Daniel, karon Iyang gipadayag nga ang labing luwas nga dalangpanan taliwala sa mga katalagman mao ang Dios Inahan.
Sama nga ang mga bata mobati nga labing luwas diha sa mga bukton sa ilang inahan sa panahon sa kakuyaw, ang Dios nagpadayag nga ang Dios Inahan mao ang pinakaluwas nga dapit alang sa katawhan sa mga katalagman.

Miingon ang GINOO, “Wagtangon ko ang tanang butang sa kalibotan.
Wagtangon ko ang tawo ug mga mananap, ingon man ang mga langgam ug ang mga isda. Laglagon ko ang mga daotan; puohon ko ang tanang tawo, nag-ingon ang GINOO.
Zephaniah 1:2–3

Apan kon daotan siya nga sulugoon, moingon siya sa iyang kaugalingon, ‘Dugay pang mouli ang akong agalon,’
ug mosugod siya pagpamunal sa iyang mga kaubang sulugoon ug magpalabig kaon ug inom uban sa mga palahubog.
Unya ang agalon niadtong sulugoon mahibalik usa niana ka adlaw nga wala niya paabota ug sa takna nga wala niya hibaloi.
Unya tagodtagoron siya sa agalon ug ipahamtang kaniya ang gidangatan sa mga tigpakaaron-ingnon. Didto maghilak siya ug magkagot ang iyang ngipon.
Matthew 24:48–51