Adlaw sa Paghukom ug Adlaw sa Kaluwasan

Kon Kini ba ang Adlaw sa Kaluwasan
o ang Adlaw sa Paghukom
Nagdepende sa Unsang mga Aksyon
Ang Atong Buhaton Human Makadungog
sa Pulong sa Dios

Ang Dios naghatag sa tanang tawo
ug panahon sa paghinulsol sa ilang mga sala
nga nahimo didto sa langit ingon man
sa kahigayonan sa pagtuo kang
Cristo Ahnsahnghong ug sa Dios Inahan
nga mianhi sa unod. Human niana,
sumala sa binuhatan sa matag tawo,
pagalainon sa Dios kadtong moadto
sa langit ug kadtong pagahukman.

Ang Sumbanan sa Hugot nga Pagtuo
alang sa mga Miyembro sa Church of God:
“Buhaton Nato ang Makapahimuot sa Dios.”

Taliwala niadtong pagahukman,
adunay mga tawo nga sama ni Judas Iscariote
nga nagbaligya kang Jesus pinaagi sa iyang sayop
nga paghukom, ug mga mini nga propeta
sama ni Balaam nga nagtudlo sa katawhan sa Dios
ngadto sa pagsimba sa mga diosdios uban sa iyang
daotang tambag, ug usab sa mga tawo nga naglaglag
sa kamatuoran sa Dios ug nagsimba sa dios
sa Adlaw pinaagi sa mga regulasyon
sama sa pagsimba sa Domingo ug Pasko
sama nga gikuha ni Haring Ahab ug Jezebel
ang parasan ni Nabot.

“Sila maoy hinungdan nga gisalikway
sa katawhan sa Israel ang Ginoo 
didto sa Peor pinaagi sa sugyot
ni Balaam ug tungod niini
nahiagom ang Israel sa kamatay.”
Numeros 31:16

“Apan aniay pipila ka butang nga ikasaway
ko kanimo: anaay pipila diha kanimo
nga misagop sa pagtulon-an ni Balaam
nga nagtudlo kang Balak pagtintal
sa katawhan sa Israel aron makasala
pinaagi sa pagkaon sa hinalad ngadto
sa mga diosdios ug pinaagi sa pagpakighilawas.”
Gipadayag 2:14