Aso Faamasino & Aso o le Faaolataga

Pe o le a avea ma Aso o le Faaolataga po o le Aso Faamasino e Faalagolago i Mea Tatou te Faia pe a uma ona Faalogo i le Afioga a le Atua

Na tuuina atu e le Atua i tagata uma le taimi e salamo ai i a latou agasala na faia i le Lagi faapea foi ma le avanoa e talitonu ai ia Keriso Ahnsahnghong ma le Atua le Tina na afio mai i le tino. A maea, e tusa ai ma galuega a tagata taitoatasi, o le a tuueseeseina e le Atua i latou e o atu i le Lagi ma i latou o le a faamasinoina.

O Le Tulaga Faatuatua mo Tagata o le Ekalesia a le Atua: “Ia Tatou Faia Tulaga e Faafiafiaina ai le Atua.”

Mai ia i latou o le a faamasinoina, o loo i ai tagata e pei o Iuta le Sekara o ē na faatauina atu Iesu e ala i lana filifiliga sese, ma perofeta pepelo e pei o Palaamo o ē na tuliesea tagata o le Atua i le ifo i tupua i ana fautuaga leaga, ma tagata foi o e na faaumatia le upumoni a le Atua ma tapuai i le atua le la e ala i tulafono e pei o le tapuai i le Aso Sa ma le Kerisimasi e pei lava ona ave e le tupu o Aapo ma Iesepela le tovine a Napota.

“O i latou foʻi na mulimuli i le fautuaga a Palaamo, ma avea ma auala na liliuese ai le fanauga a Isaraelu mai iā Ieova i le mea na tupu i Peoro, ma ua taia ai le nuu o Ieova i le mala.” Numera 31:16

A ua ia te au ni nai mea ia te oe, ona ua ia te oe o e ua taofi i le mataupu a Palaamo, o le na a‘oa‘o ia Palako e tuu atu le mea e tausuai ai i luma o le fanauga a Isaraelu, ona ia aai i mea ua fāsia mo tupua ma ia latou faitaaga. Faaaliga 2:14