ଜାଦ୍କା ମାପ୍ରାଙ୍ଗ୍ ଦୁକୁକ ହିଜୁଃ ନେ ଅତେ ଦିଶୁମ୍ରେ, ଚିନାଃନାଙ୍ଗ୍ ସିୟୋନ୍, ମିୟାଁଦ୍ ଉତ୍ତାର୍ ଦୁଃଉନ୍ ଟାୟାଦ୍ ତାନାଃ
ଧାରାମ୍ ପୁଥି ଆୟାର୍କାଜିକଏତେ ନେ ଦିପିଲିକେ ମିୟାଁଦ୍ ମାରାଙ୍ଗ୍ ଦୁକୁ ଦିପିଲି ଲେକାତେ କାଜିୟାକାଦା।
ଚିଲ୍କା ଦିଶୁମ୍ ଅଡ଼ଃ ଦିଶୁମ୍ ଥାଲାରେ ଲାଡ଼ାଇ ଅଡ଼ଃ ଆୟାର୍ରେ ହୟଗାମା ରାକାମ୍ ଲେକାନ୍ ଦୁକୁକ ହିଜୁଃତାନା ଆର୍ ହଡ଼କ, ରମ୍ବିଲ୍ ଚେତାନ୍ ସିର୍ମା, ଇକିର୍ ଦୋରେୟାରେ ଚାଏ ଇକିର୍ ବଗ୍ଦାରେ ନିର୍ନାଙ୍ଗ୍ କାଜିକକ ରଜଟେ ତାନା।
ମେନ୍ଦ, ଧାରାମ୍ ପୁଥି ସିୟୋନ୍ ବାଗେକେତେ, ଅକନ୍ତାଃରେ ଏଙ୍ଗା ପାର୍ମେଶ୍ୱାର୍ ମେନାଃଇଁୟାଁ, ଦୁନୁଃରେୟାଃ ଅଡ଼ଃ ଜେତାନ୍ ଟାୟାଦ୍ ବାନଃୱାଁଏ ମେନେତାନା।
ଗୋଟା ଅତେ ଦିଶୁମ୍ରେ ପାର୍ମେଶ୍ୱାର୍ରାଃ କାଲିସିୟାରେନ୍ ହାଗାମିସିକ ଏଙ୍ଗା ପାର୍ମେଶ୍ୱାର୍ରେକ ସାରିକାନ୍ ତାନା
ଚିଲ୍କା ପାର୍ମେଶ୍ୱାର୍ ଦାନିୟେଲ୍ରେ ନାବ୍କୁଦ୍ନେସାର୍ ରାଜାଃ କୁମୁଏ ଉଦୁବ୍କେଦା ଅଡ଼ଃ ଏନାରେୟାଃ ମୁଣ୍ଡିଏ ଉଦୁବାଃଇୟା, ଏନ୍ଲେକାଗେ ତିସିଙ୍ଗାଏ ଉଦୁବାକାଦା ଚି ଦୁକୁକରାଃ ଥାଲାରେ ସୋବେନେତେ ଦୁଃଉନ୍ ଟାୟାଦ୍ ଏଙ୍ଗା ପାର୍ମେଶ୍ୱାର୍ ତାନିଃ।
ଚିଲ୍କା ହନ୍କ ବରୱାଁନ୍ ଘାଳିରେ ଆକୱାଃ ଏଙ୍ଗା କୟଁଙ୍ଗ୍ରେ ସୋବେନେତେ ଦୁଃଉନ୍ ଟାୟାଦ୍କ ଆଟ୍କାରେତାନା, ଏନ୍ଲେକାଗେ ପାର୍ମେଶ୍ୱାର୍ରାଏ ଉଦୁବେତାନା ଚି ଏଙ୍ଗା ପାର୍ମେଶ୍ୱାର୍ ମାନୱାଁ ଜାତିକନାଙ୍ଗ୍ ଦୁକୁ ଦିପିଲିରେ ଦୁଃଉନ୍ ଟାୟାଦ୍ ତାନିଃ।
“ଆଇଁଙ୍ଗ୍ ଅତେ ଚେତାନେତେ ସୋବେନାଃଇଙ୍ଗ୍ ଜିୟାନ୍ଉତାରେୟା,” ନେୟାଁ ପ୍ରାଭୁୱାଏ ମେନେତାନା।
ଆଇଁଙ୍ଗ୍ ହଡ଼କ ଅଡ଼ଃ ଉରିଃମେରମ୍କଇଁଙ୍ଗ୍ ଜିୟାନ୍କଆ; ଆଇଁଙ୍ଗ୍ ସିର୍ମାରେନ୍ ଚେଣେକ ଅଡ଼ଃ ଦୋରେୟାରେନ୍ ହାଇକ, ଅଡ଼ଃ ଏତ୍କାନ୍ ହଡ଼କଲଃ ତୋତଦ୍ତେୟାଇଁଙ୍ଗ୍ ଜିୟାନେୟାଁ; ଅଡ଼ଃ ମାନୱାଁ ହନ୍ ଅତେରେୟାଃ ଚେତାନେତେଙ୍ଗ୍ ମାଃଆଁ ଗିଡ଼ିୟା, ନେୟାଁ ପାଭୁୱାଏ ମେନେତାନା।
ସାପାନ୍ୟା 1:2-3
ମେନ୍ଦ ଏନ୍ ଏତ୍କାନ୍ ଦାସି, ଗୋମ୍କେତାଇଁଙ୍ଗ୍ ହିଜୁଃୱାଏ ହେଡ଼ାଏତାନା ମେନ୍ତେ ମୋନ୍ତାଏରେୟାଏ କାଜିରେଦ,
ଅଡ଼ଃ ଆୟାଃ ଗାତି ଦାସିକ ଦାଦାଲ୍ ଅଡ଼ଃ ବୁଲଃ ହଡ଼କଲଃ ଜଜମ୍ ନୁନୂଏ ଏଟେଃରେଦ।
ଏନ୍ ଦାସିୟାଃ ଗୋମ୍କେ ଇନିଃ କାଏ ଉଡ଼ୁଃଏ ହୁଲାଙ୍ଗ୍ରେ, ଅଡ଼ଃ କାଏ ସାରି ଦିପିଲିରେୟାଏ ହିଜୁଃୱା,
ଅଡ଼ଃ ଇନିଃ ପୁରାଃଏ ଦୁକୁଇୟା ଅଡ଼ଃ ବେଦା ହଡ଼କଲଃ ହାନାଟିଙ୍ଗାଏ ଅମାଇଁୟାଁ; ରାନାଃ ଅଡ଼ଃ ଡାଟା ରିଡ଼ିଦ୍ ଏନ୍ତାଃରେୟା।
ମାତି 24:48-51
- Post Date
- 2024. 11. 08
- Emotion
- 0
